మెగా పీటీఎం 3.1కు తల్లిదండ్రులు తప్పక హాజరుకావాలి: ఎంఈఓ

ఎస్పీఎస్ఆర్ నెల్లూరు జిల్లా జూలై 23 (పున్నమి ప్రతినిధి) రాష్ట్ర ప్రభుత్వం ప్రతిష్టాత్మకంగా నిర్వహిస్తున్న మెగా పీటీఎం 3.1 కార్యక్రమం గురువారం మండలంలోని ప్రభుత్వ పాఠశాలల్లో జరుగుతుందని ఎంఈఓ నరేష్ కుమార్ తెలిపారు. ఈ కార్యక్రమానికి విద్యార్థుల తల్లిదండ్రులు తప్పనిసరిగా హాజరుకావాలని కోరారు. ప్రభుత్వం విద్యార్థులకు ఉచితంగా బూట్లు, పుస్తకాలు, బ్యాగులు, టెస్ట్ పుస్తకాలు అందజేస్తోందని, మధ్యాహ్న భోజనంతో పాటు నాణ్యమైన విద్యను అందిస్తోందన్నారు. విద్యార్థుల విద్యాభివృద్ధిపై ఉపాధ్యాయులతో చర్చించి వారి పురోగతికి సహకరించాలని తల్లిదండ్రులకు విజ్ఞప్తి చేశారు.