⛔ప్రభుత్వ ఆసుపత్రిలో పేదలకు మెరుగైన వైద్యం అందించాలి
⛔గిరిజన కార్మికుడి చికిత్సపై కుటుంబ సభ్యుల ఆవేదన.. వైద్య సేవలపై ఉన్నతాధికారులు దృష్టి సారించాలని విజ్ఞప్తి
పున్నమి న్యూస్ నాయుడుపేట
📌తిరుపతి జిల్లా నాయుడుపేట మండలం బిరదవాడ శ్రీనివాసపురం గిరిజన కాలనీకి చెందిన రామయ్య కుటుంబ కలహాల నేపథ్యంలో విషపదార్థం తీసుకున్నట్లు కుటుంబ సభ్యులు తెలిపారు. ఆదివారం ఉదయం సుమారు 11 గంటల సమయంలో ఈ ఘటన జరగడంతో శ్రీనివాసపురం నుంచి సమాచారం అందుకున్న బెదవాడకు చెందిన గంగబాబు వెంటనే అత్యవసర సేవలకు ఫోన్ చేశారు.
📌నాయుడుపేటలో ప్రభుత్వ అంబులెన్స్ అందుబాటులో లేకపోవడంతో దొరవారిసత్రం ప్రభుత్వ ఆసుపత్రి అంబులెన్స్కు సమాచారం అందించారు.
📌అనంతరం అంబులెన్స్ శ్రీనివాసపురానికి చేరుకుని రామయ్యను ఆసుపత్రికి తరలించినట్లు తెలిపారు.
📌కుటుంబ సభ్యుల వివరాల ప్రకారం.. ఆసుపత్రిలో రామయ్యకు చికిత్స అందించిన అనంతరం తిరిగి ఇంటికి పంపించారు. అయితే ఆరోగ్య పరిస్థితి పూర్తిగా మెరుగుపడకపోవడంతో మళ్లీ ఆసుపత్రికి తీసుకెళ్లినట్లు తెలిపారు.
📌ఇంజెక్షన్లు, మందులు అందించినప్పటికీ అవసరమైన స్థాయిలో వైద్య పరీక్షలు నిర్వహించారా అనే అనుమానాలు ఉన్నాయని కుటుంబ సభ్యులు, స్థానికులు ఆవేదన వ్యక్తం చేశారు.
_”*రోగులతో సిబ్బంది వ్యవహారశైలిపై ఫిర్యాదులు*”_
📌ఆసుపత్రిలో కొంతమంది నర్సులు వైద్యుల సూచనల మేరకు విధులు నిర్వహించకుండా రోగులతో ఇబ్బందికరంగా వ్యవహరిస్తున్నారనే ఆరోపణలు వినిపిస్తున్నాయి.
📌పేషెంట్లతో కోపంగా మాట్లాడటం, వారిపై విరుచుకుపడటం వంటి ఘటనలు చోటుచేసుకుంటున్నాయని కొందరు రోగుల బంధువులు ఆరోపిస్తున్నారు.
📌ముఖ్యంగా గిరిజన పేషెంట్లను చులకనగా చూస్తున్నారనే ఫిర్యాదులు కూడా ఉన్నాయని వారు పేర్కొన్నారు.
📌రోగులు, వారి బంధువులతో వైద్యులు, నర్సులు, సిబ్బంది మర్యాదగా, బాధ్యతాయుతంగా వ్యవహరించాలని స్థానికులు కోరుతున్నారు.
_”ప్రతి రోగిని పూర్తిస్థాయిలో పరీక్షించాలి”_
📌ప్రభుత్వ ఆసుపత్రికి వచ్చే ప్రతి రోగిని వైద్యులు క్షుణ్ణంగా పరిశీలించి, సమస్యను గుర్తించిన తర్వాతే తగిన చికిత్స అందించాలని స్థానికులు కోరుతున్నారు.
📌అవసరమైతే సంబంధిత వైద్య నిపుణుల వద్దకు రిఫర్ చేయాలని విజ్ఞప్తి చేశారు.
📌కేవలం లక్షణాలను బట్టి మందులు, ఇంజెక్షన్లు ఇవ్వడం కాకుండా రోగి ఆరోగ్య పరిస్థితిని పూర్తిగా అంచనా వేయాల్సిన అవసరం ఉందని పేర్కొన్నారు.
📌పేదలు, గిరిజనులు, అన్ని వర్గాలకు చెందిన ప్రజలు ప్రభుత్వ ఆసుపత్రులపైనే ప్రధానంగా ఆధారపడుతున్నారని, వారికి వైద్యులు, నర్సులు, ఇతర సిబ్బంది అందుబాటులో ఉండి బాధ్యతాయుతంగా సేవలు అందించాలని కోరారు.
_”అధికారుల దృష్టికి తీసుకెళ్లాలని విజ్ఞప్తి”_
📌నాయుడుపేట ప్రభుత్వ ఆసుపత్రిలో వైద్య సేవలపై ఉన్నతాధికారులు దృష్టి సారించి, రోగులకు ఎదురవుతున్న సమస్యలను పరిశీలించాలని స్థానికులు కోరుతున్నారు.
📌ముఖ్యంగా అత్యవసర సమయాల్లో అంబులెన్స్ అందుబాటులో ఉండేలా చర్యలు తీసుకోవాలని, వైద్యులు, నర్సులు, సిబ్బంది విధుల్లో అందుబాటులో ఉండేలా పర్యవేక్షించాలని విజ్ఞప్తి చేశారు.
📌రామయ్యకు అందించిన వైద్య సేవలపై కూడా సంబంధిత అధికారులు విచారణ జరిపి వాస్తవాలను వెల్లడించాలని కుటుంబ సభ్యులు కోరుతున్నారు.
📌పేదలు,గిరిజనులు వైద్యం కోసం ప్రభుత్వ ఆసుపత్రికి వచ్చినప్పుడు ఎలాంటి వివక్షకు గురికాకుండా, గౌరవంగా మరియు అవసరమైన వైద్య సేవలు అందేలా చర్యలు తీసుకోవాలని విజ్ఞప్తి చేశారు.
📌అయితే ఈ ఆరోపణలపై సంబంధిత ఆసుపత్రి అధికారులు స్పందించి వాస్తవాలను పరిశీలించాల్సిన అవసరం ఉంది.
