తెలంగాణ స్మార్ట్ కార్డులపై ప్రధాని మోదీ ఫొటో ముద్రించాలి
బీజేపీ మండల కన్వీనర్ ఇందూరి మహేష్ డిమాండ్
తిరుమలాయపాలెం: తెలంగాణ రాష్ట్ర ప్రభుత్వం ప్రజలకు అందజేయనున్న స్మార్ట్ కార్డులపై భారత ప్రధానమంత్రి శ్రీ నరేంద్ర మోదీ గారి ఫొటోను ముద్రించాలని భారతీయ జనతా పార్టీ తిరుమలాయపాలెం మండల కన్వీనర్ ఇందూరి మహేష్ డిమాండ్ చేశారు.
కేంద్ర ప్రభుత్వం దేశవ్యాప్తంగా అమలు చేస్తున్న సంక్షేమ, అభివృద్ధి కార్యక్రమాలకు రాష్ట్రాలకు వివిధ రూపాల్లో సహకారం అందిస్తోందని ఆయన పేర్కొన్నారు. ప్రజలకు అందించే స్మార్ట్ కార్డులపై కేంద్ర ప్రభుత్వానికి, ముఖ్యంగా ప్రధానమంత్రి నరేంద్ర మోదీ గారి నాయకత్వానికి సంబంధించిన గుర్తింపు ఉండేలా ఫొటోను ముద్రించాలని కోరారు.
ప్రజా సంక్షేమ పథకాల విషయంలో కేంద్రం–రాష్ట్రాల సమన్వయంతో ప్రజలకు మరింత మెరుగైన సేవలు అందించాల్సిన అవసరం ఉందన్నారు. కేంద్ర ప్రభుత్వ సహకారాన్ని ప్రజలకు తెలియజేయడం ద్వారా ప్రభుత్వాల మధ్య సమన్వయం, అభివృద్ధి కార్యక్రమాలపై ప్రజల్లో అవగాహన పెరుగుతుందని తెలిపారు.
