కాకినాడ జిల్లా వైద్య ఆరోగ్య శాఖ (DCHS) కాంట్రాక్ట్ ప్రాతిపదికన 34 సివిల్ అసిస్టెంట్ సర్జన్ పోస్టుల భర్తీకి నోటిఫికేషన్ నెం. 01/2026 విడుదల చేసింది. ఇందులో సివిల్ అసిస్టెంట్ సర్జన్ (జనరల్) మరియు సివిల్ అసిస్టెంట్ సర్జన్ స్పెషలిస్టు పోస్టులు ఉన్నాయి. వైద్య రంగంలో ఉద్యోగాల కోసం ఎదురుచూస్తున్న MBBS, PG, DNB, డిప్లొమా అర్హత కలిగిన అభ్యర్థులకు ఇది మంచి అవకాశంగా అధికారులు పేర్కొన్నారు.
స్పెషలిస్టు పోస్టులకు సంబంధిత విభాగంలో PG, DNB లేదా డిప్లొమా అర్హత ఉండాలి. జనరల్ పోస్టులకు MBBS పూర్తి చేసి, ఆంధ్రప్రదేశ్ మెడికల్ కౌన్సిల్లో నమోదు తప్పనిసరిగా ఉండాలి. ఎంపికైన స్పెషలిస్టులకు నెలకు రూ.1,10,000, జనరల్ సివిల్ అసిస్టెంట్ సర్జన్లకు రూ.61,960 వేతనం అందజేస్తారు.
అభ్యర్థుల గరిష్ట వయోపరిమితి 42 సంవత్సరాలు కాగా, ప్రభుత్వ నిబంధనల ప్రకారం రిజర్వేషన్ వర్గాలకు వయో సడలింపులు వర్తిస్తాయి. జూన్ 19 నుంచి 20, 2026 వరకు వాక్-ఇన్ ఇంటర్వ్యూలు నిర్వహించనున్నారు. ఆసక్తి గల అభ్యర్థులు విద్యార్హత సర్టిఫికెట్లు, మెడికల్ కౌన్సిల్ రిజిస్ట్రేషన్, ఆధార్ కార్డు, కుల ధ్రువీకరణ పత్రం (అవసరమైతే)తో పాటు ఇతర సంబంధిత పత్రాలను తీసుకుని ఇంటర్వ్యూకు హాజరు కావాలని జిల్లా వైద్య ఆరోగ్య శాఖ అధికారులు సూచించారు.
