నియంత్రణ కోల్పోయి దుకాణ్ణల్లో కి దూసుకెళ్లిన బస్సు ఇద్దరు యువకులు స్పార్ట్ డెడ్.

నెల్లూరు జిల్లాలో ఒక ప్రైవేటు బస్సు ఘోర బీభత్సం సృష్టించింది. కోట మండల పరిధిలోని చంద్రశేఖరపురం వద్ద ప్రయాణిస్తున్న బస్సు ఒక్కసారిగా డ్రైవర్ నియంత్రణ కోల్పోయింది. రోడ్డుపై వేగంగా దూసుకుపోతూ, ముందు ఉన్న ఆటోను బలంగా ఢీకొట్టింది. అంతటితో ఆగకుండా రోడ్డు పక్కనే ఉన్న దుకాణాలు, నడుచుకుంటూ వెళ్తున్న పాదచారులపైకి ఉగ్రరూపంతో దూసుకెళ్లింది. కేశవరం, వంజివాక గ్రామాల్లో విషాద ఛాయలు ఈ ఘోర దుర్ఘటనలో ఇద్దరు యువకులు తీవ్ర గాయాలపాలై అక్కడికక్కడే ప్రాణాలు కోల్పోయారు. మృతులను కేశవరం గ్రామానికి చెందిన శివ (22), వంజివాక గ్రామానికి చెందిన వినోద్ (21)గా పోలీసులు గుర్తించారు. చేతికి అందిన కొడుకులు ఇలా ఒకేసారి అకస్మాత్తుగా రోడ్డు ప్రమాదంలో ప్రాణాలు కోల్పోవడంతో, వారి స్వగ్రామాల్లో తీవ్ర విషాద ఛాయలు అలముకున్నాయి. బాధితుల కుటుంబ సభ్యుల రోదనలు అక్కడి వారిని కంటతడి పెట్టించాయి. ప్రమాదానికి కారణమైన సదరు ప్రైవేటు బస్సు స్థానిక ‘గాయత్రి రొయ్యల కంపెనీ’ (Gayatri Prawns Company)కి చెందినదిగా అధికారులు గుర్తించారు. బస్సు మితిమీరిన వేగంతో రావడం వల్లే డ్రైవర్ అదుపు చేయలేకపోయాడని ప్రత్యక్ష సాక్షులు తెలిపారు. ఆటోను ఢీకొట్టిన తర్వాత కూడా వేగం తగ్గకపోవడంతోనే నేరుగా దుకాణాల వైపు దూసుకువచ్చిందని వివరించారు. ఈ ప్రమాదంలో మరో ఐదుగురు తీవ్రంగా గాయపడగా.. వారి పరిస్థితి విషమంగా ఉండటంతో స్థానికులు, పోలీసులు కలిసి వారిని వెంటనే చికిత్స నిమిత్తం సమీపంలోని ఆసుపత్రికి తరలించారు. కేసు నమోదు చేసి దర్యాప్తు ప్రారంభించిన కోట పోలీసులు ప్రమాదం జరిగిన వెంటనే సమాచారం అందుకున్న కోట మండల పోలీసులు క్షేత్రస్థాయికి చేరుకుని పరిశీలించారు. ప్రమాదం కారణంగా రోడ్డుపై నిలిచిపోయిన రద్దీని క్లియర్ చేయడానికి క్రేన్ సాయంతో బస్సును, పూర్తిగా ధ్వంసమైన ఆటోను అక్కడ నుంచి తొలగించి ట్రాఫిక్‌ను పునరుద్ధరించారు. మృతుల కుటుంబ సభ్యులు ఇచ్చిన ఫిర్యాదు మేరకు పోలీసులు కేసు నమోదు చేసుకుని, ప్రమాదానికి గల పూర్తి కారణాలపై దర్యాప్తు ప్రారంభించారు.