ఖమ్మం
ముందస్తు అరెస్టులతో బీజేపీ ఉద్యమాన్ని అడ్డుకోలేరు: గల్లా సత్యనారాయణ
విద్యార్థుల ఫీజు రీయింబర్స్మెంట్, బకాయిల విడుదల డిమాండ్తో తెలంగాణ బీజేపీ రాష్ట్ర శాఖ ఇచ్చిన చలో అసెంబ్లీ పిలుపు నేపథ్యంలో ఖమ్మం జిల్లా పోలీసులు సోమవారం వేకువజామున బీజేపీ రాష్ట్ర కార్యవర్గ సభ్యులు, ఖమ్మం జిల్లా మాజీ అధ్యక్షులు గల్లా సత్యనారాయణను ముందస్తుగా అరెస్టు చేశారు. ఈ సందర్భంగా ఆయన పున్నమి న్యూస్తో మాట్లాడుతూ తెలంగాణలో ప్రశ్నించే గొంతులను నొక్కివేయడం కాంగ్రెస్ ప్రభుత్వానికి అలవాటుగా మారిందని విమర్శించారు. ముందస్తు అరెస్టులతో బీజేపీ నాయకులను భయపెట్టాలని చూస్తే మరింత ఉధృతంగా విద్యార్థుల తరఫున పోరాటం చేస్తామని హెచ్చరించారు. ఫీజు బకాయిలను వెంటనే విడుదల చేయాలని, విద్యార్థుల సమస్యలను పరిష్కరించాలని రేవంత్రెడ్డి ప్రభుత్వాన్ని డిమాండ్ చేశారు.
puvvadanagendrakumar- September 7, 2026
- 0 Comments
- 5 Views
-
