శ్రీ పొట్టి శ్రీరాములు నెల్లూరు

నెల్లూరు విద్యారంగం ప్రైవేట్ గుప్పిట్లో: పీఏఏపీ

నెల్లూరు జిల్లాలో ప్రభుత్వ విద్య కుదించబడుతూ, ప్రైవేట్ విద్యాసంస్థల ఆధిపత్యం పెరుగుతోందని ది పేరెంట్స్ అసోసియేషన్ ఆఫ్ ఆంధ్రప్రదేశ్ ఆరోపించింది. పాఠశాలల నుంచి వైద్య, సాంకేతిక, వృత్తివిద్య వరకు అధికశాతం విద్యార్థులు ప్రైవేట్ సంస్థల్లోనే చదువుతున్నారని పేర్కొంది. ప్రభుత్వ కళాశాలల ఏర్పాటు, ఖాళీల భర్తీ, ఆర్టీఈ ఉచిత సీట్ల వివరాల వెల్లడి, ఫీజుల నియంత్రణ, అనధికార హాస్టళ్లపై చర్యలు తీసుకోవాలని డిమాండ్ చేసింది. ప్రభుత్వ విద్యను కాపాడేందుకు తల్లిదండ్రులు, విద్యార్థులు, ఉపాధ్యాయులు ఐక్యంగా ముందుకు రావాలని సంఘం పిలుపునిచ్చింది. అధికారులు తక్షణమే స్పందించాలని కోరింది.