సఖినేటిపల్లి లంక రేవు – పశ్చిమగోదావరి జిల్లా నరసాపురం మధ్య గోదావరి నదిపై నిర్వహించే పడవ, పంటు రాకపోకలను తాత్కాలికంగా నిలిపివేత

బంగాళాఖాతంలో ఏర్పడిన వాయుగుండం ప్రభావంతో వాతావరణ పరిస్థితులు అనుకూలంగా లేని కారణంగా డాక్టర్ బి.ఆర్. అంబేడ్కర్ కోనసీమ జిల్లా సఖినేటిపల్లి లంక రేవు – పశ్చిమగోదావరి జిల్లా నరసాపురం మధ్య గోదావరి నదిపై నిర్వహించే పడవ, పంటు రాకపోకలను తాత్కాలికంగా నిలిపివేశారు. కోనసీమ జిల్లా కలెక్టర్ ఆదేశాల మేరకు ప్రయాణికుల భద్రతను దృష్టిలో ఉంచుకుని ఈ నిర్ణయం తీసుకున్నట్లు అధికారులు తెలిపారు. వాయుగుండం ప్రభావంతో ప్రజలు అప్రమత్తంగా ఉండాలని, వాతావరణం పూర్తిగా అనుకూలించే వరకు గోదావరి నదిలో పడవ ప్రయాణాలు చేయవద్దని అధికారులు సూచించారు. ప్రజల ప్రాణ భద్రతే ప్రధాన లక్ష్యంగా ఈ నిర్ణయం తీసుకున్నామని, పరిస్థితులు చక్కబడిన వెంటనే పడవ రాకపోకలను పునరుద్ధరిస్తామని వెల్లడించారు.