విశాఖపట్నం జిల్లా,, పున్నమి ప్రతినిధి సెప్టెంబర్29: మంగమారిపేట : ప్రభుత్వ పాఠశాలల అభివృద్ధి, విద్యార్థుల హాజరు పెంపు, నాణ్యమైన విద్య అందించడమే లక్ష్యంగా భీమిలి నియోజకవర్గ పరిధిలోని 12 ప్రభుత్వ పాఠశాలల్లో పాఠశాల యాజమాన్య కమిటీ (SMC) ఎన్నికలు ఘనంగా నిర్వహించారు. తల్లిదండ్రులు తమ ప్రతినిధులను ఏకగ్రీవంగా ఎన్నుకోవడంతో పాఠశాలల అభివృద్ధికి సమష్టి కృషి చేసేందుకు నూతన కమిటీలు సిద్ధమయ్యాయి.
ఆంధ్రప్రదేశ్ ముఖ్యమంత్రి నారా చంద్రబాబు నాయుడు, విద్యాశాఖ మంత్రి నారా లోకేష్ ఆదేశాల మేరకు, భీమిలి ఎమ్మెల్యే గంటా శ్రీనివాసరావు పిలుపుతో, నాలుగో వార్డు సీనియర్ నాయకులు పాసి నర్సింగరావు నాయకత్వంలో, టీడీపీ విశాఖపట్నం పార్లమెంటు ఉపాధ్యక్షులు, శ్రీశ్రీ కనకమహాలక్ష్మి దేవస్థానం బోర్డు సభ్యులు గరికిన కింగ్ ఆధ్వర్యంలో ఈ ఎన్నికలు నిర్వహించారు.
### 12 పాఠశాలలు.. ఏకగ్రీవంగా ఎన్నికైన నూతన కమిటీలు
ఎన్నికైన చైర్పర్సన్లు, వైస్ చైర్పర్సన్ల వివరాలు:
1\. మంగమారిపేట ZPH పాఠశాల: చైర్పర్సన్ బీర కృష్ణవేణి, వైస్ చైర్పర్సన్ సూరాడ మౌనిక.
2\. మంగమారిపేట ప్రాథమిక పాఠశాల: చైర్పర్సన్ సూరాడ దేవి, వైస్ చైర్పర్సన్ బడే రాజు.
3\. కాపుల దిబ్బడిపాలెం ప్రాథమిక పాఠశాల: చైర్పర్సన్ చీపుల కిషోర్, వైస్ చైర్పర్సన్ ఎస్. నాగమణి.
4\. కె. నగరపాలెం ప్రాథమిక పాఠశాల: చైర్పర్సన్ వాండ్రాసి లత, వైస్ చైర్పర్సన్ ఉప్పాడ సంతోషి.
5\. కల్లివానిపాలెం ప్రాథమిక పాఠశాల: చైర్పర్సన్ బోగారపు రంజిత్ కుమార్, వైస్ చైర్పర్సన్ ఉప్పాడ పైడమ్మ.
6\. చేపల తిమ్మాపురం ప్రాథమిక పాఠశాల: చైర్పర్సన్ దూడ కొండబాబు, వైస్ చైర్పర్సన్ బోర సత్య.
7\. పరదేశిపాలెం ప్రాథమిక పాఠశాల: చైర్పర్సన్ దేవడ కృష్ణవేణి, వైస్ చైర్పర్సన్ మజ్జి ముకలింగం.
8\. నేరెళ్లవలస ప్రాథమిక పాఠశాల: చైర్పర్సన్ బోయి గాయత్రి, వైస్ చైర్పర్సన్ జె. రమణమ్మ.
9\. చిన్న ఉప్పాడ ZPH పాఠశాల: చైర్పర్సన్ సూరాడ చిట్టిబాబు, వైస్ చైర్పర్సన్ మెరుగు జయంతి.
10\. సోమన్నపాలెం ప్రాథమిక పాఠశాల: చైర్పర్సన్ కొయ్యన కనకమహాలక్ష్మి, వైస్ చైర్పర్సన్ కళ్లపల్లి కుమారి.
11\. కాపులప్పాడ ఉన్నత పాఠశాల: చైర్పర్సన్ దుంప రామలక్ష్మి, వైస్ చైర్పర్సన్ ఎన్రెడ్డి రత్నం.
12\. గొల్లల తిమ్మాపురం ప్రాథమిక పాఠశాల: చైర్పర్సన్ ఎన్. గైరమ్మ, వైస్ చైర్పర్సన్ కె. సునీత.
### విద్యార్థుల భవిష్యత్తే లక్ష్యంగా నూతన కమిటీల ప్రతిజ్ఞ
తమపై నమ్మకంతో ఏకగ్రీవంగా ఎన్నుకున్న తల్లిదండ్రులకు, ఉపాధ్యాయులకు నూతన చైర్మన్లు, వైస్ చైర్మన్లు హృదయపూర్వక కృతజ్ఞతలు తెలిపారు. పాఠశాల అభివృద్ధిలో భాగస్వాములుగా ఉంటూ విద్యార్థుల రోజువారీ హాజరును పెంచడం, విద్యా ప్రమాణాలను మెరుగుపరచడం, డ్రాపౌట్లను నివారించడం తమ ప్రధాన లక్ష్యాలని వెల్లడించారు.
ప్రభుత్వం సూచించిన వివిధ పాఠశాల కార్యక్రమాలను సమర్థవంతంగా అమలు చేయడంతో పాటు, తమ పాఠశాల పరిధిలోని ప్రతి చిన్నారిని ప్రభుత్వ పాఠశాలలో చేర్పించేందుకు కృషి చేస్తామని కమిటీ సభ్యులు తెలిపారు. తల్లిదండ్రులు, ఉపాధ్యాయులు, గ్రామస్థుల సమన్వయంతో పాఠశాలలను మరింత అభివృద్ధి చేస్తామని స్పష్టం చేశారు.
### నాయకులు, ఉపాధ్యాయుల అభినందనలు
నూతనంగా ఎన్నికైన కమిటీలను టీడీపీ విశాఖపట్నం పార్లమెంటు ఉపాధ్యక్షులు, దేవస్థానం బోర్డు సభ్యులు గరికిన కింగ్, దూడ రమేష్, సీనియర్ నాయకులు బోర బంగారురెడ్డి, కారి అప్పారావు, పోతిన అప్పలరాజు, నారు ఎల్లాజీ, చీపుల్ల శ్రీను, మైలపల్లి రాము, వాసుపల్లి ఎల్లయ్య, మరుపల్లి అమరనాథ్ తదితర నాయకులు అభినందించారు.
ఈ కార్యక్రమంలో పలువురు స్థానిక నాయకులు, కార్యకర్తలు, పాఠశాల ప్రధానోపాధ్యాయులు పద్మావతి, మల్లేశ్వరి, ఉపాధ్యాయ సిబ్బంది పాల్గొని నూతన కమిటీలకు శుభాకాంక్షలు తెలిపారు.
పాఠశాల అభివృద్ధిలో తల్లిదండ్రుల భాగస్వామ్యం కీలకం కాగా, నూతన SMC కమిటీలు చేపట్టనున్న కార్యాచరణ ప్రభుత్వ విద్యా వ్యవస్థలో విద్యార్థుల చేరిక, హాజరు, విద్యా పురోగతికి తోడ్పడుతుందనే ఆశాభావం వ్యక్తమవుతోంది.
