ఈ నెల 23న గణేష్ ఉత్సవ నిర్వాహకుల సమన్వయ సమావేశం విజయవంతం చేయండి – JGUS
———————————————————————-
జనగామ గణేష్ ఉత్సవ సమితి సమన్వయ సమావేశం విజయవంతం చేయాలని మండపాల నిర్వాహకులకు పిలుపు..
* **డీసీపీ, మున్సిపల్ చైర్మన్, కమిషనర్లతో సమితి ప్రతినిధుల భేటీ**
వినాయక చవితి నవరాత్రి ఉత్సవాలను పురస్కరించుకుని ఈ నెల 21 వ తేదీన పట్టణంలోని సాయిరాం (కామాక్షి) ఫంక్షన్ హాల్లో ‘గణేష్ ఉత్సవ నిర్వాహకుల సమన్వయ సమావేశం’ నిర్వహిస్తున్నట్లు జనగామ గణేష్ ఉత్సవ సమితి (JGUS) జిల్లా అధ్యక్షులు మంచాల రవీందర్ తెలిపారు.
స్థానిక JGUS కార్యాలయంలో జిల్లా ప్రధాన కార్యదర్శి ముక్క కుమారస్వామి అధ్యక్షతన ముఖ్య సమావేశం జరిగింది. ఈ సమావేశంలో ముఖ్య అతిథిగా పాల్గొన్న మంచాల రవీందర్ మాట్లాడుతూ, గణేష్ ఉత్సవాలను శాంతియుతంగా, భక్తిశ్రద్ధలతో, వైభవంగా నిర్వహించేందుకు తీసుకోవాల్సిన జాగ్రత్తలు మరియు ప్రభుత్వ విధివిధానాలపై ఈ సమన్వయ సమావేశంలో సమగ్రంగా చర్చిస్తామని పేర్కొన్నారు. పట్టణ, గ్రామీణ ప్రాంతాల గణేష్ మండపాల నిర్వాహకులు, హిందూ బంధువులు, గణేష్ భక్తులు పెద్ద సంఖ్యలో తరలివచ్చి ఈ సమావేశాన్ని విజయవంతం చేయాలని ఆయన పిలుపునిచ్చారు.
*అధికారులతో మర్యాదపూర్వక భేటీ:**
సమావేశం అనంతరం JGUS ప్రతినిధుల బృందం జిల్లా డీసీపీ రాజమహేంద్ర నాయక్, మున్సిపల్ చైర్మన్ కడకంచి బాలమణి, మున్సిపల్ కమిషనర్ రాజశేఖర్ రెడ్డిలను మర్యాదపూర్వకంగా కలిసింది. ఉత్సవాల సందర్భంగా శాంతిభద్రతల పరిరక్షణ, నిమజ్జనం ఏర్పాట్లు, పారిశుద్ధ్యం, మౌలిక వసతుల కల్పనపై అధికారులతో చర్చించి వినతిపత్రం అందజేశారు.
ఈ కార్యక్రమంలో JGUS జిల్లా కోశాధికారి రంగ నరసింహ రావు, ఉపాధ్యక్షులు వారణాసి పవన్ శర్మ, కార్యదర్శులు సాదాం మదన్ మోహన్ యాదవ్, బింగి రమేష్, సంపత్, గండి నాగరాజు, మంగ శ్రీకాంత్, కోలిపాక లక్ష్మణ్, కంచర్ల పవన్, చింతపండు వెంకటేష్, భూక్యా మనోహర్, చందు తదితరులు పాల్గొన్నారు.
