పేదల వైద్యానికి అండగా కూటమి ప్రభుత్వం చెక్కులు పంపిణీ చేసిన ఎమ్మెల్యే వసంత వెంకట కృష్ణ ప్రసాద్

పేదల వైద్యానికి అండగా కూటమి ప్రభుత్వం. -మైలవరం ఎమ్మెల్యే వసంత కృష్ణప్రసాదు గారు. మైలవరం నియోజకవర్గంలో ఇప్పటివరకు రూ.25.19 కోట్ల ఆర్థిక సాయం. 2,701 మంది లబ్ధిదారులకు సీఎంఆర్ఎఫ్, ఎల్.ఓ.సిల ద్వారా వైద్య భరోసా. తాజాగా 82 సీఎంఆర్ఎఫ్ చెక్కులకు రూ.50.68 లక్షలు మంజూరు. ఎన్టీఆర్ జిల్లా, మైలవరం, 16/09/2026. పేద ప్రజలకు మెరుగైన వైద్యం అందించడంతో పాటు, అనారోగ్య సమయంలో ఆర్థిక ఇబ్బందులు ఎదురుకాకుండా కూటమి ప్రభుత్వం ముఖ్యమంత్రి సహాయ నిధి ద్వారా అండగా నిలుస్తోందని మైలవరం శాసనసభ్యులు, టీడీపీ రాష్ట్ర అధికార ప్రతినిధి వసంత వెంకట కృష్ణప్రసాదు గారు తెలిపారు. మైలవరం నియోజకవర్గంలో కూటమి ప్రభుత్వం అధికారంలోకి వచ్చిన నాటి నుంచి ఇప్పటివరకు 1,957 మంది లబ్ధిదారులకు రూ.11.71 కోట్ల సీఎంఆర్ఎఫ్ రీయింబర్స్‌మెంట్ చెక్కులు, 744 మందికి రూ.13.48 కోట్ల విలువైన ఎల్.ఓ.సిలు మంజూరైనట్లు ఎమ్మెల్యే తెలిపారు. మొత్తంగా 2,701 మంది పేదలకు వైద్య చికిత్స కోసం రూ.25.19 కోట్ల ఆర్థిక సాయం అందినట్లు వెల్లడించారు. తాజాగా రూ.2.31 కోట్లకు పైగా సీఎంఆర్ఎఫ్, ఎల్.ఓ.సిలు. తాజాగా సెప్టెంబర్ 2న మంజూరైన సీఎంఆర్ఎఫ్ చెక్కులను మైలవరంలోని ఎమ్మెల్యే కార్యాలయంలో బుధవారం లబ్ధిదారులకు అందజేశారు. తాజా విడతలో మైలవరం నియోజకవర్గంలోని వివిధ మండలాలకు సంబంధించి 82 సీఎంఆర్ఎఫ్ చెక్కులకు రూ.50,68,905 మంజూరయ్యాయి. అలాగే సీఎంఆర్ఎఫ్ చెక్కులు, ఎల్.ఓ.సిలు కలిపి మొత్తం 172 మందికి రూ.2,31,20,415 మంజూరైనట్లు వివరాల్లో ఉంది. మైలవరం మండలంలో 12 మందికి రూ.5.74 లక్షల సాయం. మైలవరం మండలంలో తాజాగా 12 మంది లబ్ధిదారులకు మొత్తం రూ.5,74,539 సీఎంఆర్ఎఫ్ మంజూరైంది. ఇందులో మైలవరం గ్రామానికి చెందిన అరివేణి కోటేశ్వరమ్మకు రూ.53,084, మల్లాది రాణికి రూ.1,50,069, మోర్సుమిల్లి గ్రామానికి చెందిన బట్టుల తులసీరామ్‌కు రూ.22,114, కిలారి వెంకమ్మకు రూ.43,727, వాసం విజయకుమారికి రూ.20,000 మంజూరయ్యాయి. మిగిలిన లబ్ధిదారులకు కూడా నిబంధనల మేరకు సీఎంఆర్ఎఫ్ ద్వారా ఆర్థిక సాయం అందింది. ఇతర మండలాల్లోనూ సీఎంఆర్ఎఫ్ మంజూరు. నియోజకవర్గంలోని ఇతర మండలాల విషయానికి వస్తే రెడ్డిగూడెంలో 9 చెక్కులకు రూ.3,95,800, జి.కొండూరులో 19 చెక్కులకు రూ.12,37,086, ఇబ్రహీంపట్నంలో 25 చెక్కులకు రూ.16,78,125, విజయవాడ రూరల్‌లో 17 చెక్కులకు రూ.11,83,355 మంజూరయ్యాయి. అర్హులైన ప్రతి కుటుంబానికి అండగా ప్రభుత్వం. ఈ సందర్భంగా వసంత వెంకట కృష్ణప్రసాదు గారు మాట్లాడుతూ, పేద కుటుంబాల్లో అనారోగ్యం కారణంగా ఆర్థిక ఇబ్బందులు తలెత్తకుండా ముఖ్యమంత్రి సహాయ నిధి, ఎల్.ఓ.సిల ద్వారా అర్హులైన వారికి ప్రభుత్వం ఆర్థిక భరోసా కల్పిస్తోందన్నారు. ప్రజల వైద్య అవసరాలకు సంబంధించిన సమస్యలను ముఖ్యమంత్రి చంద్రబాబునాయుడు గారు, కూటమి ప్రభుత్వం దృష్టికి తీసుకెళ్లి అర్హులైన వారికి అవసరమైన సాయం అందేలా నిరంతరం కృషి చేస్తానని వసంత వెంకట కృష్ణప్రసాదు గారు పేర్కొన్నారు.