ఇందిరమ్మ ఇళ్ల నిర్మాణ పనులను పరిశీలన –జనగామ జిల్లా కలెక్టర్ సందీప్ కుమార్ ఝా

ఇందిరమ్మ ఇళ్ల నిర్మాణ పనుల పరిశీలన –జిల్లా కలెక్టర్ సందీప్ కుమార్ ఝా ——————————————————————- జనగామ జిల్లా దేవరుప్పుల మండలంలోని దేవరుప్పుల గ్రామ పంచాయతీలో మంజూరైన ఇళ్ల నిర్మాణ పనులను *జిల్లా కలెక్టర్ సందీప్ కుమార్ ఝా* పరిశీలించారు. ఈ సందర్భంగా లబ్ధిదారులతో మాట్లాడిన *కలెక్టర్*, ఇప్పటి వరకు ఎన్ని బిల్లులు వచ్చాయని ఆరా తీశారు. దీనికి లబ్ధిదారులు ఇప్పటి వరకు మూడు విడతలుగా బిల్లులు వచ్చాయని తెలిపారు. అలాగే ఇంటి నిర్మాణానికి ఎంత ఖర్చు అయిందనే విషయాన్ని కూడా *కలెక్టర్* అడిగి తెలుసుకున్నారు. ఇంకా రెండు (లేదా) మూడు రోజుల్లో ఇంటికి తలుపులు బిగించి, సున్నం కూడా వేయించాలని లబ్ధిదారులకు *కలెక్టర్* సూచించారు. పనులను త్వరగా పూర్తి చేస్తే మరో బిల్లు మంజూరవుతుందని వెల్లడించారు. దీనికి స్పందించిన లబ్ధిదారులు పనులను వేగంగా పూర్తి చేస్తామని *కలెక్టర్‌కు* వివరించారు. ఈ క్రమంలో *బండిపల్లి పద్మ, తోటకూర శారద* నిర్మిస్తున్న ఇళ్లను *కలెక్టర్* పర్యవేక్షించారు. వివిధ దశల్లో పురోగతిలో ఉన్న ఇళ్ల నిర్మాణ పనులను వేగవంతం చేయాలని స్పష్టం చేశారు. అదే విధంగా గ్రామంలోని నివాస ప‌రిస‌రాలు ప‌రిశుభ్రంగా ఉండే విధంగా చ‌ర్య‌లు తీసుకోవాలన్నారు. త‌ద్వారా దోమ‌లను నివారించి, వ్యాధులను అరిక‌ట్ట‌వ‌చ్చ‌ని పంచాయతీ కార్యదర్శిని ఆదేశించారు. ఈ పరిశీలనలో పంచాయతీ కార్యదర్శి సతీష్ రెడ్డి, ఇతర సంబంధిత అధికారులు, తదితరులు పాల్గొన్నారు.