Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel
పల్నాడు

తుమ్మేపల్లిలో ఘనంగా పోలేరమ్మ జాతర కుంకుమ బండ్లతో వైభవంగా ఊరేగింపు

పున్నమి న్యూస్‌రూమ్ ప్రచురణ:

వార్త ముఖ్యాంశాలు

  • రాయవరం: తుమ్మేపల్లి గ్రామంలో గ్రామదేవత శ్రీ పోలేరమ్మ తల్లి జాతర ఉత్సవాలు అత్యంత భక్తిశ్రద్ధలతో కొనసాగుతున్నాయి.
  • మూడు రోజుల పాటు నిర్వహిస్తున్న జాతరలో భాగంగా రాత్రి కుంకుమ బండ్లతో నిర్వహించిన ఊరేగింపు ఘనంగా జరిగింది.
  • గ్రామంలోని మహిళలు, యువత, భక్తులు పెద్ద సంఖ్యలో పాల్గొని అమ్మవారికి ప్రత్యేక పూజలు నిర్వహించారు.

రాయవరం: తుమ్మేపల్లి గ్రామంలో గ్రామదేవత శ్రీ పోలేరమ్మ తల్లి జాతర ఉత్సవాలు అత్యంత భక్తిశ్రద్ధలతో కొనసాగుతున్నాయి. మూడు రోజుల పాటు నిర్వహిస్తున్న జాతరలో భాగంగా రాత్రి కుంకుమ బండ్లతో నిర్వహించిన ఊరేగింపు ఘనంగా జరిగింది. గ్రామంలోని మహిళలు, యువత, భక్తులు పెద్ద సంఖ్యలో పాల్గొని అమ్మవారికి ప్రత్యేక పూజలు నిర్వహించారు.

కుంకుమ బండ్ల ఊరేగింపు సందర్భంగా గ్రామ వీధులు భక్తుల సందడితో కళకళలాడాయి. అమ్మవారి నామస్మరణలు, మంగళ వాయిద్యాల నడుమ ఉత్సవం ఉత్సాహభరితంగా సాగింది. గ్రామదేవత పోలేరమ్మ తల్లి తమ గ్రామ ప్రజలను సుఖసంతోషాలతో, ఆయురారోగ్యాలతో కాపాడాలని భక్తులు ప్రార్థించారు.

అలాగే ఈ ఏడాది పంటలు సమృద్ధిగా పండాలని, రైతులకు మంచి దిగుబడులు రావాలని, సకాలంలో వర్షాలు కురిసి గ్రామంలో పాడిపంటలు వర్ధిల్లాలని అమ్మవారిని వేడుకున్నారు. పోలేరమ్మ తల్లి దీవెనలు ప్రజలందరిపై ఎల్లప్పుడూ ఉండాలని భక్తులు కోరుకున్నారు.

మూడు రోజుల పాటు జరిగే ఈ జాతరలో భాగంగా వివిధ ఆధ్యాత్మిక కార్యక్రమాలు, సంప్రదాయ వేడుకలు నిర్వహించడంతో గ్రామంలో పండుగ వాతావరణం నెలకొంది. తరతరాలుగా వస్తున్న గ్రామదేవత ఆరాధనా సంప్రదాయాన్ని కొనసాగిస్తూ గ్రామస్థులు ఐకమత్యంతో జాతరను ఘనంగా నిర్వహిస్తున్నారు.

Leave a comment

Your email address will not be published. Required fields are marked *