ఇంటికి చేరాల్సిన ఆటోడ్రైవర్.. ఆసుపత్రికి!
విశాఖపట్నం జిల్లా, (పున్నమి ప్రతినిధి): ఆగస్టు 17::
సింహాచలం–విజయనగరం ప్రధాన రహదారిపై సోమవారం ఉదయం రోడ్డు ప్రమాదం చోటుచేసుకుంది. ఆర్టీసీ పల్లె వెలుగు బస్సు–ఆటో ఢీకొన్న ఘటనలో ఆటో ముందు భాగం పూర్తిగా ధ్వంసమైంది.
ప్రమాద తీవ్రతకు ఆటో డ్రైవర్ వాహనంలో ఇరుక్కుపోయాడు. వెంటనే స్పందించిన స్థానికులు, ప్రయాణికులు సహాయక చర్యలు చేపట్టి డ్రైవర్‌ను ఆటో నుంచి బయటకు తీశారు. అనంతరం 108 అంబులెన్స్‌లో మహారాజా ఆసుపత్రికి తరలించారు. ప్రమాదంలో డ్రైవర్‌కు బలమైన గాయాలు అయినట్లు సమాచారం.
🚨 వాహనదారులకు కీలక సూచన
సింహాచలం–విజయనగరం రహదారిపై వాహనాల రద్దీ ఎక్కువగా ఉండటంతో డ్రైవర్లు అతివేగం, నిర్లక్ష్యపు డ్రైవింగ్‌కు దూరంగా ఉండాలి. బస్సులు, ఆటోలు, ద్విచక్ర వాహనాలు ప్రయాణించే సమయంలో తగిన జాగ్రత్తలు పాటించాలి.
ఒక్క క్షణం నిర్లక్ష్యం.. ఓ కుటుంబాన్ని కన్నీళ్లలో ముంచుతుంది. వేగం కంటే ప్రాణం ముఖ్యం.
పున్నమి న్యూస్ — ప్రజల కోసం.. ప్రజల గొంతుకగా!
