மாணவர்களின் புத்தகக் கையேடுகளில் ஆயிரத்திற்கும் மேற்பட்ட தவறுகள்… ஒடிசாவில் கவலை

ஒடிசாவில் 1 முதல் 8 ஆம் வகுப்பு வரை புதிதாக அறிமுகப்படுத்தப்பட்ட பாடப்புத்தகங்களில் 1,600-க்கும் மேற்பட்ட பிழைகள் இருப்பதாக ஆசிரியர் மற்றும் பெற்றோர் சங்கங்கள் குற்றம் சாட்டியுள்ளன. சட்டமன்றத்தின் படங்கள் முதல் புவியியல் விவரங்கள் வரை பல அம்சங்களில் பிழைகள் இருப்பதாக அவர்கள் தெரிவித்தனர். அரசு இந்தப் பிழைகளை ஒப்புக்கொண்டு, திருத்தப்பட்ட தகவல்களை மாணவர்களுக்குக் கற்பிக்குமாறு ஆசிரியர்களுக்கு உத்தரவிட்டுள்ளது. புத்தகங்களை அச்சிட்டதற்குப் பொறுப்பானவர்கள் மீது நடவடிக்கை எடுக்க வேண்டும் எனப் பல சங்கங்கள் கோரி வருகின்றன.