ఉయ్యూరు, ఏప్రిల్ 18: పున్నమి ప్రతినిధి సురేష్
తెలుగుదేశం పార్టీ జాతీయ ఉపాధ్యక్షుడిగా నియమితులైన రాజేంద్రప్రసాద్ను శనివారం ఉయ్యూరులోని ఆయన నివాసంలో పలు సంఘాల ప్రతినిధులు మర్యాదపూర్వకంగా కలిసి, శాలువా కప్పి పూలమాలలతో ఘనంగా సత్కరించారు. వాకర్స్ అసోసియేషన్, ఆటోమొబైల్ యూనియన్, వివిధ ప్రజా సంఘాల ప్రతినిధులు మరియు తెదేపా నాయకులు ఈ కార్యక్రమంలో పాల్గొన్నారు.
ఈ సందర్భంగా ప్రతినిధులు మాట్లాడుతూ, గత 45 ఏళ్లుగా నిరంతరం ప్రజాసేవలో ఉంటూ, 25 ఏళ్ల పాటు ప్రజాప్రతినిధిగా ఉయ్యూరు అభివృద్ధికి రాజేంద్రప్రసాద్ చేసిన కృషి వెలకట్టలేనిదని కొనియాడారు. సర్పంచ్, ఎంపీటీసీ, జడ్పీటీసీగా మరియు రెండు పర్యాయాలు ఎమ్మెల్సీగా ఆయన అందించిన సేవలు ఈ ప్రాంత ప్రజల గుండెల్లో నిలిచిపోతాయని పేర్కొన్నారు. అంకితభావంతో పనిచేసే నాయకుడికి తగిన గుర్తింపు లభించడం ఆనందదాయకమని వారు తెలిపారు.
ఈ సత్కార కార్యక్రమంలో ఉప్పులూరు పీఏసీ ఛైర్మన్ పడవల మధుసూదన్ రావు, గ్రామ పార్టీ అధ్యక్షుడు బుజ్జులు, కృష్ణాజిల్లా సర్పంచుల సంఘం అధ్యక్షుడు వసంత కుమార్, తూర్పుగోదావరి జిల్లా సర్పంచుల సంఘం అధ్యక్షుడు సుబ్బారావు పాల్గొన్నారు. అలాగే ఐదో వార్డు టిడిపి అధ్యక్షుడు ఉయ్యూరు గణేష్, సిటీ కేబుల్ శివరామకృష్ణ, అబ్దుల్ ఖదీర్, మహమ్మద్ అన్వర్, అహ్మద్, వాకర్స్ అసోసియేషన్ ప్రెసిడెంట్ కోడె సాంబశివరావు, సభ్యులు గోక శ్రీనివాసరావు, అబ్ధుల్ ఖలీల్, డాక్టర్ తిరుమలరావు, నెల్లి రాంబాబు, మురళి, రమేష్ బాబు తదితరులు ఉన్నారు.
వీరితో పాటు ఉయ్యూరు ఆటోమొబైల్ వెల్ఫేర్ యూనియన్ నాయకులు అబ్దుల్ మబూద్, గఫూర్, ఫజల్, మహమూద్, ఆసిఫ్, అమన్ తదితరులు పాల్గొని రాజేంద్రప్రసాద్కు అభినందనలు తెలియజేశారు.
