స్థలం:- నెల్లూరు సిటీ నియోజకవర్గ పరిధిలోని మైపాడు రోడ్డు, బోడిగాడి తోట ఎదురుగా ఉన్న జాఫర్ సాహెబ్ కాలువ కట్ట.
ఫిర్యాదు:- ప్రజా విజ్ఞప్తుల దినంలో భాగంగా అడిషనల్ కమిషనర్ హిమబిందును కలిసి సీపీఎం నాయకులు వినతిపత్రం అందజేశారు.
ప్రధాన అభ్యంతరం:- గత 70 ఏళ్లుగా అక్కడ నివాసముంటున్న నిరుపేదల ఇళ్లను ఎలాంటి కారణం లేకుండా తొలగించడాన్ని తీవ్రంగా ఖండించారు.
ఆరోపణ:- రోడ్డు లేదా కాలువ నిర్మాణం ఏదీ లేకుండా, కేవలం తెలుగుదేశం పార్టీ కార్యకర్తలకు షాపులు కేటాయించేందుకే ఈ కూల్చివేతలు చేస్తున్నారని ఆరోపించారు.
పక్షపాత వైఖరి:- కాలువ పోరంబోకు స్థలాల్లో ఉన్న పెద్ద షాపింగ్ మాల్స్, హోటళ్లను వదిలేసి, పేదలపై ప్రతాపం చూపడం సరికాదని హితవు పలికారు.
డిమాండ్:- పేదల ఇళ్లను యథాప్రకారంగా కొనసాగించేలా ప్రభుత్వం ఆలోచించాలని డిమాండ్ చేశారు.
