വടക്കുകിഴക്കൻ ഇന്ത്യയിലെ ഏറ്റവും വലിയ ജൈവ സുഗന്ധവ്യഞ്ജന സംസ്കരണ കേന്ദ്രം മേഘാലയയിൽ ഉദ്ഘാടനം ചെയ്തു

വടക്കുകിഴക്കൻ ഇന്ത്യയിലെ ഏറ്റവും വലിയ ജൈവ സുഗന്ധവ്യഞ്ജന സംസ്കരണ കേന്ദ്രം മേഘാലയയിൽ കേന്ദ്ര ധനമന്ത്രി നിർമ്മല സീതാരാമൻ ഉദ്ഘാടനം ചെയ്തു. റി-ഭോയ് ജില്ലയിൽ സ്ഥാപിക്കുന്ന ഈ കേന്ദ്രത്തിന് പ്രതിവർഷം 10,000 മെട്രിക് ടൺ സുഗന്ധവ്യഞ്ജനങ്ങൾ സംസ്കരിക്കാൻ കഴിയും. മഞ്ഞൾ, കുരുമുളക് എന്നിവയുൾപ്പെടെ വിവിധതരം ജൈവ സുഗന്ധവ്യഞ്ജനങ്ങൾ ഇവിടെ സംസ്കരിച്ച് വിപണിയിലേക്ക് അയയ്ക്കും. 5,500-ലധികം കർഷകർക്ക് ഈ പദ്ധതി നേരിട്ട് പ്രയോജനം ചെയ്യും. കർഷകരുടെ വരുമാനം വർദ്ധിപ്പിക്കുന്നതിനൊപ്പം, വടക്കുകിഴക്കൻ മേഖലയിലെ കാർഷിക മേഖലയ്ക്ക് പുതിയ അവസരങ്ങൾ സൃഷ്ടിക്കുകയും ചെയ്യും.