వార్త ముఖ్యాంశాలు
- శ్రీకాళహస్తి పున్నమి టెంపుల్ న్యూస్, ఫిబ్రవరి 17: శ్రీకాళహస్తీశ్వర స్వామి వారి మహాశివరాత్రి వార్షిక బ్రహ్మోత్సవాలు అత్యంత వైభవంగా సాగుతున్నాయి.
- ఉత్సవాల్లో భాగంగా మంగళవారం నాడు ఉదయం స్వామివారు తన ప్రియ వాహనమైన అధికార నంది పై, అమ్మవారు కామధేను వాహనంపై భక్తులకు దర్శనమిచ్చారు.
- మంగళవాయిద్యాలు, వేద మంత్రోచ్ఛారణల నడుమ శ్రీ స్వామి, అమ్మవార్లు ఆలయం నుండి బయటకు వచ్చి నాలుగు మాడ వీధులలో ఊరేగారు.
శ్రీకాళహస్తి పున్నమి టెంపుల్ న్యూస్, ఫిబ్రవరి 17: శ్రీకాళహస్తీశ్వర స్వామి వారి మహాశివరాత్రి వార్షిక బ్రహ్మోత్సవాలు అత్యంత వైభవంగా సాగుతున్నాయి. ఉత్సవాల్లో భాగంగా మంగళవారం నాడు ఉదయం స్వామివారు తన ప్రియ వాహనమైన అధికార నంది పై, అమ్మవారు కామధేను వాహనంపై భక్తులకు దర్శనమిచ్చారు. మంగళవాయిద్యాలు, వేద మంత్రోచ్ఛారణల నడుమ శ్రీ స్వామి, అమ్మవార్లు ఆలయం నుండి బయటకు వచ్చి నాలుగు మాడ వీధులలో ఊరేగారు. వెండి అధికార నంది వాహనంపై కొలువుదీరిన పరమశివుని శోభను చూసి భక్తులు భక్తిపారవశ్యంలో మునిగిపోయారు. అదేవిధంగా, సకల కోరికలు తీర్చే కామధేను వాహనంపై జ్ఞానప్రసూనాంబికా దేవి రాజసంగా దర్శనమిచ్చారు. బ్రహ్మోత్సవాల నేపథ్యంలో పట్టణమంతా శివనామస్మరణతో మారుమోగుతోంది. వాహన సేవలను వీక్షించేందుకు వివిధ ప్రాంతాల నుండి భక్తులు భారీగా తరలివచ్చారు. దారిపొడవునా భక్తులు కర్పూర నీరాజనాలు అర్పించి, స్వామి అమ్మవార్లను దర్శించుకుని తరించారు. దేవస్థానం అధికారులు భక్తుల కోసం అన్ని ఏర్పాట్లు పూర్తి చేశారు.
