శ్రీకాళహస్తిలో నేడు ‘స్వర్ణ ఆంధ్ర – స్వచ్ఛ ఆంధ్ర’ కార్యక్రమం-ముఖ్య అతిథిగా హాజరుకానున్న ఎమ్మెల్యే

శ్రీ కాళహస్తి, జులై 17, (పున్నమి న్యూస్): ఆంధ్రప్రదేశ్ ప్రభుత్వం అత్యంత ప్రతిష్ఠాత్మకంగా ప్రవేశపెట్టిన ‘స్వర్ణ ఆంధ్ర – స్వచ్ఛ ఆంధ్ర’ (SASA) పథకంలో భాగంగా ఉదయం 7.30 గంటలకు శ్రీకాళహస్తి పట్టణంలో ప్రత్యేక పారిశుద్ధ్య కార్యక్రమాన్ని నిర్వహించనున్నారు. స్థానిక వ్యవసాయ మార్కెట్ కమిటీ కార్యాలయం, ఆర్.డీ.వో. కార్యాలయ పరిసర ప్రాంతాలలో ఈ ఉమ్మడి పారిశుద్ధ్య ముమ్మర చర్యలు చేపట్టనున్నారు. ఈ విశేష కార్యక్రమానికి శ్రీకాళహస్తి నియోజకవర్గ శాసనసభ్యులు బొజ్జల వెంకట సుధీర్ రెడ్డి ముఖ్య అతిథిగా విచ్చేసి, స్వయంగా పరిశుభ్రత పనుల్లో పాల్గొననున్నారు. ప్రజలలో పారిశుద్ధ్యంపై అవగాహన పెంపొందించడం, పరిసరాలను శుభ్రంగా ఉంచుకోవాలనే సామాజిక బాధ్యతను ప్రతి ఒక్కరిలో పెంపొందించడమే లక్ష్యంగా శ్రీకాళహస్తి పురపాలక సంఘం కమిషనర్ కె.వి. కృష్ణా రెడ్డి నేతృత్వంలో ఈ కార్యక్రమ ఏర్పాట్లు జరిగాయి. ప్రభుత్వ ఆశయ సాధనలో భాగంగా నిర్వహించే ఈ అగ్రామ్య పారిశుద్ధ్య యజ్ఞాన్ని విస్తృతంగా ప్రజల్లోకి తీసుకెళ్లేందుకు పట్టణ ప్రతినిధులు, పట్టణ వాసులు తప్పక హాజరై విజయవంతం చేయాలని మున్సిపల్ కమిషనర్ పత్రికా ప్రకటన ద్వారా కోరారు.