పలమనేరు వ్యవసాయ మార్కెట్ కమిటీకి జిల్లా స్థాయి ‘స్వచ్ఛ ఆంధ్ర’ అవార్డు
పలమనేరు, అక్టోబర్ 02 ( పున్నమి ప్రతినిధి ) :
ఆంధ్రప్రదేశ్ ప్రభుత్వం ప్రతిష్టాత్మకంగా చేపట్టిన “స్వర్ణ ఆంధ్ర – స్వచ్ఛ ఆంధ్ర – 2026” కార్యక్రమంలో భాగంగా పలమనేరు వ్యవసాయ మార్కెట్ కమిటీ జిల్లా స్థాయి అవార్డుకు ఎంపికైంది. చిత్తూరు జిల్లా ప్రజా పరిషత్ సమావేశ భవనంలో శుక్రవారం నిర్వహించిన అవార్డుల ప్రదానోత్సవ కార్యక్రమంలో మార్కెట్ కమిటీ కార్యదర్శి సంజీవ కుమార్ ఈ పురస్కారాన్ని అందుకున్నారు. ఈ అవార్డుల ప్రధానోత్సవానికి చిత్తూరు పార్లమెంట్ సభ్యులు దగ్గుమళ్ళ ప్రసాద్,ఎమ్మెల్యే గురజాల , జిల్లా పరిషత్ చైర్ పర్సన్, జిల్లా రెవెన్యూ అధికారి మోహన్ , జడ్పీ సీఈఓ, పలమనేరు వ్యవసాయ మార్కెట్ కమిటీ చైర్మన్ రాజన్న, మునిసిపల్ కార్పొరేషన్ కమిషనర్ తదితర ముఖ్య అతిథులు హాజరై అవార్డును ప్రదానం చేశారు. ఈ సందర్భంగా పలమనేరు వ్యవసాయ మార్కెట్ కమిటీ కార్యదర్శి సంజీవ కుమార్ మాట్లాడుతూ.. ఈ ప్రతిష్టాత్మక అవార్డు తమ కమిటీ సమిష్టి కృషికి దక్కిన గౌరవంగా అభివర్ణించారు. మార్కెట్ కమిటీ అభివృద్ధికి ఎల్లప్పుడూ సలహాలు, సూచనలు అందిస్తూ తమను ముందుకు నడిపిస్తున్న పలమనేరు ఎమ్మెల్యే అమర్నాథరెడ్డికి ప్రత్యేక కృతజ్ఞతలు తెలియజేశారు. అలాగే, ఈ పురస్కారం దక్కడంలో సహకరించిన వ్యవసాయ మార్కెటింగ్ శాఖ ఉన్నతాధికారులకు, పాలకవర్గ సభ్యులకు, కార్యాలయ సిబ్బందికి వారు ధన్యవాదాలు తెలిపారు.
