​”చిన్నతనంలో నడక నేర్పిన పెద్దలకు, వృద్ధాప్యంలో తోడుగా నిలవడమే మనం ఇచ్చే అతిపెద్ద గౌరవం.”.డా అడ్డాల

కాకినాడ జిల్లా ప్రతినిధి,అక్టోబర్ 1 (పున్నమి న్యూస్):
స్థానిక రెడ్ క్రాస్ సొసైటీ వృద్దాశ్రమం లో శ్రీ సత్య దంత వైద్యశాల వైద్యులు డా అడ్డాల సత్యనారాయణ ఆధ్వర్యాన వృద్ధులకు పండ్లు పంపిణీ చేసారు,
ఈ సందర్భంగా డా అడ్డాల మాట్లాడుతూ
“ప్రతి సంవత్సరం అక్టోబర్ 1న అంతర్జాతీయ వయోవృద్ధుల దినోత్సవాన్ని జరుపుకుంటారని,
​ఐక్యరాజ్యసమితి సాధారణ అసెంబ్లీ 1990 డిసెంబర్ 14న ఆమోదించిన తీర్మానం ప్రకారం, 1991 అక్టోబర్ 1 నుంచి ఈ రోజును ప్రపంచవ్యాప్తంగా నిర్వహించడం ప్రారంభించారని,
​సమాజం, కుటుంబం మరియు దేశ ప్రగతిలో వయోవృద్ధులు అందించిన సేవలను స్మరించుకోవడం, వృద్ధాప్యంలో ఎదురయ్యే శారీరక, మానసిక, ఆర్థిక మరియు సామాజిక సమస్యల పట్ల సమాజంలో చైతన్యం తీసుకురావడం,
​వారిని నిర్లక్ష్యం చేయకుండా, హింస లేదా వివక్షకు గురికాకుండా చూసుకోవడం మరియు వారి ప్రాథమిక హక్కులను కాపాడడం ఈ రోజు యొక్క ముఖ్య ఉద్దేశం అని అన్నారు,
రోజువారీ జీవితంలో వృద్ధులతో సమయం గడపడం, వారి మాటలను శ్రద్ధగా వినడం.
​అనుభవాన్ని ఉపయోగించుకోవడం,వారి వద్ద ఉన్న జీవిత అనుభవం మరియు జ్ఞానాన్ని తర్వాతి తరాలకు మార్గదర్శకంగా ఉపయోగించడం చేయాలని, వారి ఆహారం, మందులు మరియు మానసిక ఉల్లాసం పట్ల క్రమం తప్పకుండా శ్రద్ధ వహించాలని కోరారు.
ఈ కార్యక్రమంలో డాక్టర్ రామ్ చరణ్, వీరభద్ర రావు, ఆశ్రమంలోని వృద్ధులు పాల్గొన్నారు.