Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel
తిరుపతి

కత్తితో దాడికి యత్నించిన ఘటన-హెడ్ కానిస్టేబుల్ రమణయ్యకు ఎస్పీ నగదు రివార్డు, సత్కారం

పున్నమి న్యూస్‌రూమ్ ప్రచురణ:
కత్తితో దాడికి యత్నించిన ఘటన-హెడ్ కానిస్టేబుల్ రమణయ్యకు ఎస్పీ నగదు రివార్డు, సత్కారం

వార్త ముఖ్యాంశాలు

  • శ్రీ కాళహస్తి, ఆగస్టు 13, (పున్నమి న్యూస్): శ్రీకాళహస్తి పట్టణంలో విధి నిర్వహణలో భాగంగా అత్యంత సమయస్ఫూర్తితో, ధైర్యసాహసాలతో వ్యవహరించిన వన్ టౌన్ పోలీస్ స్టేషన్ హెడ్ కానిస్టేబుల్ రమణయ్యను తిరుపతి జిల్లా పోలీస్ సూపరింటెండెంట్ (ఎస్పీ) ఎల్.
  • సుబ్బరాయుడు ప్రత్యేకంగా అభినందించారు.
  • ఇటీవల శ్రీకాళహస్తి టౌన్ పరిధిలో శాంతిభద్రతల పరిరక్షణ విధుల్లో ఉన్న హెడ్ కానిస్టేబుల్ రమణయ్యపై ఒక దుండగుడు అకస్మాత్తుగా కత్తితో దాడి చేయడానికి ప్రయత్నించాడు.

శ్రీ కాళహస్తి, ఆగస్టు 13, (పున్నమి న్యూస్): శ్రీకాళహస్తి పట్టణంలో విధి నిర్వహణలో భాగంగా అత్యంత సమయస్ఫూర్తితో, ధైర్యసాహసాలతో వ్యవహరించిన వన్ టౌన్ పోలీస్ స్టేషన్ హెడ్ కానిస్టేబుల్ రమణయ్యను తిరుపతి జిల్లా పోలీస్ సూపరింటెండెంట్ (ఎస్పీ) ఎల్. సుబ్బరాయుడు ప్రత్యేకంగా అభినందించారు. ఇటీవల శ్రీకాళహస్తి టౌన్ పరిధిలో శాంతిభద్రతల పరిరక్షణ విధుల్లో ఉన్న హెడ్ కానిస్టేబుల్ రమణయ్యపై ఒక దుండగుడు అకస్మాత్తుగా కత్తితో దాడి చేయడానికి ప్రయత్నించాడు. ఆ క్లిష్ట సమయంలో రమణయ్య ఏమాత్రం అధైర్యపడకుండా, ప్రాణాలకు తెగించి అత్యంత సమయస్ఫూర్తితో ఆ నిందితుడిని అడ్డుకుని చాకచక్యంగా లొంగదీసుకున్నారు. హెడ్ కానిస్టేబుల్ చూపిన ఈ అసాధారణ విధిభక్తి, ధైర్యాన్ని అభినందిస్తూ జిల్లా పోలీస్ ప్రధాన కార్యాలయంలో ఎస్పీ ఎల్. సుబ్బరాయుడు ఆయనను ఘనంగా సత్కరించారు. రమణయ్యకు శాలువా కప్పి, ప్రశంసా పత్రంతో పాటు నగదు రివార్డును అందజేశారు. ఈ సందర్భంగా ఎస్పీ మాట్లాడుతూ, ప్రాణాపాయ స్థితి ఎదురైనా వెనకడుగు వేయకుండా విధి నిర్వహణకే ప్రథమ ప్రాధాన్యతనిచ్చి, తోటి సిబ్బందికి ఆదర్శంగా నిలిచిన రమణయ్య లాంటి పోలీసులు శాఖకే గర్వకారణమని కొనియాడారు. ఇటువంటి సమయస్ఫూర్తి, నిబద్ధత ప్రతి ఒక్క పోలీస్ అధికారి, సిబ్బంది అలవర్చుకోవాలని పిలుపునిచ్చారు. ఈ కార్యక్రమంలో జిల్లా అదనపు ఎస్పీతో పాటు పలువురు పోలీస్ అధికారులు, సిబ్బంది పాల్గొని హెడ్ కానిస్టేబుల్ రమణయ్యకు శుభాకాంక్షలు తెలియజేశారు.

Leave a comment

Your email address will not be published. Required fields are marked *