డా. బి.ఆర్. అంబేద్కర్ కోనసీమ జిల్లాలోని ముక్కామల–ఈదరపల్లి ప్రధాన రహదారి నిర్మాణం పూర్తయి నెల రోజులు కూడా కాకముందే నాణ్యత సమస్యలు వెలుగులోకి వచ్చాయి. కాలువ వైపున ఏర్పాటు చేసిన కాంక్రీట్ అప్రోచ్ పగుళ్లకు గురికాగా, రహదారి ఒక వైపు పూర్తిగా దిగిపోయి ప్రమాదకరంగా మారింది. దీంతో ఈ మార్గంలో ప్రయాణించే వాహనదారులు, ప్రజలు తీవ్ర ఇబ్బందులు ఎదుర్కొంటున్నారు. రహదారి నిర్మాణంలో నాణ్యత లేని మెటీరియల్ వినియోగించారనే ఆరోపణలు వినిపిస్తున్నాయి. ప్రజాధనం వృథా కాకుండా సంబంధిత ఆర్అండ్బీ అధికారులు, జిల్లా కలెక్టర్ తక్షణమే స్పందించి రహదారి పనులను పరిశీలించి, నాణ్యతా ప్రమాణాల ప్రకారం మరమ్మతులు చేపట్టాలని ప్రజలు కోరుతున్నారు. బాధ్యులపై చర్యలు తీసుకోవాలని డిమాండ్ చేస్తున్నారు.
Uploaded Video:
