రాజంపేట: రానున్న స్థానిక సంస్థల ఎన్నికల్లో వైఎస్సార్ కాంగ్రెస్ పార్టీ సిద్ధవటం, ఒంటిమిట్ట మండలాలను కైవసం చేసుకోవాలని రాజంపేట శాసనసభ్యులు ఆకేపాటి అమర్నాథ్ రెడ్డి పిలుపునిచ్చారు.
ఈరోజు కనుమలోపల్లి గెస్ట్ హౌస్ నందు సిద్ధవటం, ఒంటిమిట్ట మండలాల ముఖ్య నాయకులతో సమావేశం నిర్వహించారు.
ఈ సందర్భంగా ఆయన మాట్లాడుతూ, రానున్న స్థానిక సంస్థల ఎన్నికల్లో నాయకులు, కార్యకర్తలు అందరూ కలిసికట్టుగా పనిచేసి రెండు మండలాల్లో వైసీపీ జెండా ఎగరవేయాలని అన్నారు. గతంలో ప్రభుత్వం చేసిన అభివృద్ధి, సంక్షేమ పథకాలను ప్రజల్లోకి తీసుకెళ్లి, ప్రస్తుత కూటమి ప్రభుత్వ వైఫల్యాలను ఎండగట్టాలని సూచించారు.
ఈ కార్యక్రమంలో సిద్ధవటం, ఒంటిమిట్ట మండలాల ముఖ్య నాయకులు పాల్గొన్నారు.
