శ్రీకాళహస్తిలో మే 7న డీమ్డ్ యూనివర్సిటీ తరఫున స్పాట్ అడ్మిషన్లు

శ్రీకాళహస్తి, మే 04 (పున్నమి న్యూస్): శ్రీకాళహస్తి పట్టణంలోని విద్యార్థులకు ఉన్నత విద్యను అభ్యసించేందుకు అరుదైన అవకాశం లభిస్తోంది. కంచి కామకోటి పీఠం ఆధ్వర్యంలో నడిచే శ్రీ చంద్రశేఖరేంద్ర సరస్వతి స్వామి డీమ్డ్ యూనివర్సిటీ తరఫున మే 7వ తేదీ సాయంత్రం 5 గంటల నుంచి రాత్రి 8 గంటల వరకు స్థానిక బ్రాహ్మణ సమాజ కమ్యూనిటీ హాల్‌లో స్పాట్ అడ్మిషన్ల కార్యక్రమం నిర్వహించనున్నారు. ఇంటర్మీడియట్ మార్కుల ఆధారంగా డిగ్రీ కోర్సుల్లో, అలాగే డిగ్రీ పూర్తి చేసిన వారికి పీజీ కోర్సుల్లో ప్రవేశాలు కల్పించనున్నట్లు నిర్వాహకులు తెలిపారు. ఈ కార్యక్రమంలో యూనివర్సిటీ వైస్ ఛాన్సలర్, డీన్లు, ప్రొఫెసర్లు స్వయంగా పాల్గొని విద్యార్థులకు మార్గనిర్దేశం చేయనున్నారు. పట్టణం మరియు పరిసర గ్రామాల విద్యార్థులు తల్లిదండ్రులతో కలిసి ఈ అవకాశాన్ని సద్వినియోగం చేసుకోవాలని శ్రీకాళహస్తి బ్రాహ్మణ సమాజం అధ్యక్షుడు సింగరాజు ప్రకాశం పిలుపునిచ్చారు. మరిన్ని వివరాల కోసం 8106596773, 9885261974, 9949164010, 7702602497 నంబర్లను సంప్రదించవచ్చు.