మర్రిపాడు సుందరయ్య భవనంలో వడ్డెర వృత్తిదారుల మండల సమావేశం : : గుంజి దయాకర్

మర్రిపాడు సుందరయ్య భవనంలో వడ్డెర వృత్తిదారుల మండల సమావేశం రాష్ట్ర మహాసభ విజయవంతం చేయాలని పిలుపునిచ్చిన రాష్ట్ర కన్వీనర్ అడ్వొకేట్ గుంజి దయాకర్   (మర్రిపాడు పున్నమి ప్రతినిధి బత్తల రత్నయ్య ) ఆత్మకూరు నియోజకవర్గంలోని మర్రిపాడు మండలంలో వడ్డెర వృత్తిదారుల సంఘం ఆధ్వర్యంలో ఒక విస్తృత స్థాయి సమావేశం తేదీ 01 జూన్ 2025, ఉదయం 11 గంటలకు స్థానిక సుందరయ్య భవనంలో నిర్వహించబడింది. ఈ సమావేశానికి దేవల్ల వెంకటరమణయ్య అధ్యక్షత వహించగా, ముఖ్య అతిథిగా ఆంధ్రప్రదేశ్ వడ్డెర వృత్తిదారుల సంఘం రాష్ట్ర కన్వీనర్ మరియు ప్రముఖ న్యాయవాది గుంజి దయాకర్ హాజరై కీలక ప్రసంగం చేశారు. 📢 రాష్ట్ర మహాసభల విజయమే లక్ష్యం ఈ సందర్భంగా ఆయన మాట్లాడుతూ – ఈ నెల చివరివారంలో నెల్లూరు నగరంలో జరుగనున్న వడ్డెర వృత్తిదారుల ప్రధమ రాష్ట్ర మహాసభలను ఘనవంతంగా నిర్వహించాలన్నదే అన్ని జిల్లాల వడ్డెర సంఘాల లక్ష్యమవుతుందని పేర్కొన్నారు. సంఘాన్ని అన్ని నియోజకవర్గాలలో, ముఖ్యంగా బద్వేల్ నియోజకవర్గంలో బలోపేతం చేయాలన్న పిలుపునిచ్చారు. 💸 కార్పొరేషన్ నిధులు – వడ్డెర్లకు 90% సబ్సిడీ పథకాలు కావాలి వడ్డెర వృత్తిదారుల అభివృద్ధి కోసం ప్రత్యేకంగా రూ.1000 కోట్లు నిధులు కేటాయించి వడ్డెర కార్పొరేషన్ ద్వారా 90 శాతం సబ్సిడీతో సంక్షేమ పథకాలు అమలు చేయాలని ప్రభుత్వాన్ని డిమాండ్ చేశారు. వడ్డెర్ల శ్రమే సమాజానికి ఆదారమని గుర్తు చేశారు. 🚨 అట్రాసిటీ చట్టం వడ్డెర్లకు వర్తించాలి వడ్డెర్లపై జరుగుతున్న దౌర్జన్యాలు, అత్యాచారాలు, వేధింపులను అరికట్టేందుకు అనుసూచి కులాల తరహాలో ప్రత్యేక రక్షణ చట్టం తీసుకురావాలని ఆయన ప్రభుత్వాన్ని గట్టిగా కోరారు. ఈ మేరకు చట్టసభలలో ప్రస్తావించి చర్యలు తీసుకోవాలని డిమాండ్ చేశారు. 🔥 రాజకీయ హామీలను తక్షణం అమలు చేయాలి ప్రస్తుత అధికార కూటమి ఎన్నికల సమయంలో ఇచ్చిన హామీలను మరచిపోయారని, వడ్డెర్లకు గుట్టలు, క్వారీలు, మైనింగ్ హక్కులు ఇస్తామని చేసిన వాగ్దానాలను నెరవేర్చకపోతే ఉద్యమాలు ప్రారంభించాల్సి వస్తుందని హెచ్చరించారు. ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్, మంత్రి నారా లోకేష్ హామీలపై వెంటనే చర్యలు తీసుకోవాలని గట్టిగా విన్నవించారు. 🧾 మండల సంఘ నూతన కమిటీ ఎలెక్షన్ సభ అనంతరం మండల కమిటీ ఎన్నికలు జరిపినారు. దేవల్ల వెంకటరమణయ్య అధ్యక్షుడిగా, బత్తల రత్నయ్య కార్యదర్శిగా, వేముల శ్రీనివాసులు కోశాధికారిగా, బత్తల చిన్న తిరుపాలు ఉపాధ్యక్షుడిగా, కోటకొండ రామయ్య సహాయ కార్యదర్శిగా, కోటకొండ హజరత్తయ్య గౌరవాధ్యక్షుడిగా, బత్తల పెద్ద హజరత్తయ్య గౌరవ సలహాదారుగా, బత్తల విజయకుమార్, బత్తల రాజేష్, బత్తల పెద్ద తిరుపాలు కమిటీ సభ్యులుగా ఏకగ్రీవంగా ఎన్నుకున్నారు. ఈ కార్యక్రమానికి వివిధ గ్రామాల నుండి వడ్డెర వృత్తిదారులు హాజరై సంఘం బలోపేతానికి తమ మద్దతు ప్రకటించారు.