నల్ల గంగమ్మ ఊరేగింపు మహోత్సవంలో పాల్గొన్న జనసేన నేత దండి

శ్రీ కాళహస్తి, ఆగస్టు 17, (పున్నమి న్యూస్): శ్రీకాళహస్తి పట్టణంలోని స్థానిక నల్ల గంగమ్మ ఆలయ చైర్మన్ కంఠ రమేష్ ప్రత్యేక ఆహ్వానం మేరకు జనసేన పార్టీ నాయకుడు దండి నరేంద్ర తన తండ్రి, శ్రీకాళహస్తి దేవస్థానం బోర్డు సభ్యుడు దండి రాఘవయ్యతో కలిసి నల్ల గంగమ్మ తల్లి ఊరేగింపు మహోత్సవంలో పాల్గొని అమ్మవారి ఆశీస్సులు పొందారు. భక్తి, ఆధ్యాత్మికత, ఆత్మీయతతో నిండిన ఈ వేడుకలో పాల్గొనడం తన అదృష్టంగా భావిస్తున్నట్లు దండి నరేంద్ర పేర్కొన్నారు. అమ్మవారి దివ్య కృప ప్రతి కుటుంబంపై ఎల్లప్పుడూ ఉండాలని, శ్రీకాళహస్తి ప్రాంతం సుభిక్షంగా, శాంతియుతంగా, ప్రగతి పథంలో ముందుకు సాగాలని తాను ప్రార్థించినట్లు వెల్లడించారు. నల్ల గంగమ్మ తల్లి ఊరేగింపును అత్యంత భక్తిశ్రద్ధలతో, క్రమబద్ధంగా నిర్వహించిన ఆలయ కమిటీ చైర్మన్ కంఠ రమేష్, ఆలయ కమిటీ సభ్యులకు ఆయన ప్రత్యేక అభినందనలు, కృతజ్ఞతలు తెలియజేశారు. ఈ విశిష్ట ఆధ్యాత్మిక కార్యక్రమంలో ఉమ్మడి చిత్తూరు జిల్లా లైబ్రరీ చైర్మన్ రెడ్డివారి గురవరెడ్డి, ధర్మరాజుల గుడి చైర్మన్ ఎం.ఎస్. రెడ్డి, అర్ధనారీశ్వరి ఆలయ చైర్మన్ సునీత, ముత్యాలమ్మ గుడి చైర్మన్ రేణుకాదేవి, వరదరాజుల గుడి చైర్మన్ అద్దంకి భాగ్యలక్ష్మి పాల్గొన్నారు. వీరితో పాటు ప్రముఖ నాయకులు పసుపులేటి నవీన్, గోవింద్, యాదగిరి, వెంకటేష్ చౌదరి, ధారా పాండు శివారెడ్డి, ఆర్ముగం తదితర ప్రతినిధులు, వేలాది మంది భక్తులు, స్థానికులు పెద్ద సంఖ్యలో తరలివచ్చి అమ్మవారిని దర్శించుకున్నారు.