తిరువూరులో ఆటో డ్రైవర్లతో కూటమి ప్రభుత్వం జయహో – ఎంఎల్ఏ కొలికపూడి శ్రీనివాసరావు ఆధ్వర్యంలో భారీ ర్యాలీ

ఎన్టీఆర్ జిల్లా, తిరువూరు నియోజకవర్గం: తిరువూరు పట్టణం ఈ రోజు పండగ వాతావరణంలో మునిగిపోయింది. ఆటో డ్రైవర్లకు ₹15,000 ఆర్థిక సాయం అందించిన కూటమి ప్రభుత్వానికి కృతజ్ఞతగా గౌరవ శాసన సభ్యులు కొలికపూడి శ్రీనివాసరావు గారి ఆధ్వర్యంలో భారీ ర్యాలీ నిర్వహించబడింది. అయ్యప్ప స్వామి గుడి నుంచి ప్రారంభమైన ఈ ర్యాలీ ఫ్యాక్టరీ సెంటర్ వరకు ఆటలతో అద్భుతంగా సాగింది. తిరువూరు పట్టణంతో పాటు పలు గ్రామాల నుంచి వందలాది ఆటోలు పాల్గొనడంతో ర్యాలీ ఘనంగా జరిగింది. అన్నగారి విగ్రహానికి పూలమాల – నాయకుల పాలాభిషేకం ఫ్యాక్టరీ సెంటర్ వద్ద ఉన్న ఎన్టీఆర్ విగ్రహానికి పూలమాల వేసి నివాళులర్పించిన అనంతరం, నాయకులు మరియు ఆటో డ్రైవర్లు మోడీగారికి, చంద్రబాబు నాయుడు గారికి, పవన్ కల్యాణ్ గారి చిత్రపటాలకు పాలాభిషేకం చేశారు. ఈ సందర్భంగా ప్రాంతమంతా “జయహో కూటమి ప్రభుత్వం” అనే నినాదాలతో మార్మోగింది. ఆటో డ్రైవర్ల కృతజ్ఞతాభావం ఆటో డ్రైవర్లు మాట్లాడుతూ — “మేము ప్రతిరోజూ ఆటో కిస్తీలు, ఇన్సూరెన్స్ లు, ఇంధన ఖర్చులు భరించలేక ఇబ్బందులు పడుతున్నాం. ఇలాంటి పరిస్థితుల్లో ప్రభుత్వం అందించిన ₹15,000 సాయం మాకు పెద్ద ఊరట ఇచ్చింది. కూటమి ప్రభుత్వానికి హృదయపూర్వక ధన్యవాదాలు.” శాసన సభ్యుల మాటల్లో సంక్షేమం ఈ సందర్భంగా ఎమ్మెల్యే కొలికపూడి శ్రీనివాసరావు మాట్లాడుతూ — “సంక్షేమం అంటే కూటమి ప్రభుత్వం. అధికారంలోకి వచ్చిన దగ్గర నుంచి పేదలకు ఆర్థిక భరోసా కలిగించడమే మా లక్ష్యం. మహిళలకు ఉచిత బస్సు ప్రయాణం, ఆటో డ్రైవర్లకు ₹15,000 ఆర్థిక సాయం – ఇవన్నీ ప్రజల పట్ల మా నిబద్ధతకు నిదర్శనం.” అలాగే ఆయన హామీ ఇస్తూ చెప్పారు — “తిరువూరు నియోజకవర్గంలోని ప్రతి ఆటో డ్రైవర్‌కి ప్రతి సంవత్సరం రెండు యూనిఫామ్‌లు అందిస్తాను. ఇన్సూరెన్స్ లేని ఆటోలకు ఇన్సూరెన్స్ చేయించే బాధ్యతను కూడా ప్రభుత్వం తీసుకుంటుంది.” తిరువూరు పట్టణం మొత్తం ఉత్సాహంతో నిండిపోయింది. ఆటో డ్రైవర్ల ర్యాలీతో వీధులు సందడిగా మారాయి. ప్రజల జీవనోపాధికి తోడ్పడే సంక్షేమ కార్యక్రమాలు కూటమి ప్రభుత్వానికి విశేష ప్రజాదరణ తెచ్చిపెడుతున్నాయి.