డాక్టర్ బి ఆర్ అంబేద్కర్ కోనసీమ జిల్లా : ఓటర్ల జాబితా ప్రత్యేక సంక్షిప్త సవరణ ప్రక్రియను సమర్థవంతంగా, పారదర్శకంగా పూర్తి చేయాలని డాక్టర్ బి ఆర్ అంబేద్కర్ కోనసీమ జిల్లా కలెక్టర్ డా. ఆర్. మహేష్ కుమార్ అధికారులను ఆదేశించారు. అర్హులైన ఒక్క ఓటరు కూడా ఓటు హక్కును కోల్పోకుండా అప్రమత్తంగా వ్యవహరించాలని సూచించారు. SIR–2026లో ఇప్పటివరకు 57,902 కేసుల విచారణ పూర్తయిందని తెలిపారు. అక్టోబర్ 12న తుది ఓటర్ల జాబితా ప్రచురణకు అవసరమైన చర్యలు వేగవంతం చేయాలన్నారు. పెండింగ్‌లో ఉన్న ఫారం–6, 7, 8 దరఖాస్తులను సత్వరమే పరిష్కరించాలని, ముఖ్యంగా ఫారం–8 దరఖాస్తులను నిబంధనల మేరకు క్షుణ్ణంగా పరిశీలించాలని సూచించారు. ఓటర్ల జాబితా సవరణలో ఎలాంటి పొరపాట్లకు తావులేకుండా చర్యలు చేపట్టాలని, యువత ఓటు హక్కు వినియోగంపై విస్తృత అవగాహన కల్పించాలని కలెక్టర్ ఆదేశించారు.
