వెంగమాంబ పేరంటాలు అమ్మవారి దర్శన వేళల్లో మార్పు

నెల్లూరు జిల్లా దుత్తలూరు మండలం నఱ్ఱవాడ గ్రామంలోని శ్రీ వెంగమాంబ పేరంటాలు అమ్మవారి దేవస్థానం పునర్నిర్మాణం సందర్భంగా ప్రత్యేక కార్యక్రమాలు నిర్వహించనున్నారు. గణాచారుల ఆధ్వర్యంలో సెప్టెంబర్ 7న సోమవారం ఉదయం 9:10 గంటల నుంచి 10:30 గంటలలోపు అమ్మవారికి సెలవ కార్యక్రమం జరగనుంది. ఈ నేపథ్యంలో సోమవారం మధ్యాహ్నం 1 గంట వరకు మాత్రమే భక్తులకు అమ్మవారి దర్శనం కల్పించనున్నారు. అనంతరం సెప్టెంబర్ 8న మంగళవారం సాయంత్రం 5 గంటల నుంచి బాలాలయంలో అమ్మవారి పునర్దర్శనం ప్రారంభమవుతుంది. భక్తులు ఈ మార్పును గమనించి సహకరించాలని దేవస్థాన వ్యవస్థాపక ధర్మకర్తలు, కార్యనిర్వహణాధికారి కోరారు.