గొల్లపూడి ఎమ్మెల్యే కార్యాలయంలో ఘనంగా గణేష్ చతుర్దశి వేడుకలు
విజయవాడ రూరల్, సెప్టెంబర్ 14:
విజయవాడ రూరల్ మండలంలోని గొల్లపూడిలో మైలవరం ఎమ్మెల్యే వసంత వెంకట కృష్ణ ప్రసాదు గారి కార్యాలయంలో సోమవారం గణేష్ చతుర్దశి వేడుకలు భక్తిశ్రద్ధలతో ఘనంగా నిర్వహించారు. కార్యాలయ ప్రాంగణంలో ప్రత్యేకంగా ఏర్పాటు చేసిన గణనాథునికి పూజలు నిర్వహించి, విఘ్నేశ్వరుని ఆశీస్సులు అందరికీ ఉండాలని ఆకాంక్షించారు.
ఈ సందర్భంగా గణపతి పూజా కార్యక్రమంలో టీడీపీ నాయకులు, కార్యకర్తలు, అభిమానులు పాల్గొని స్వామివారికి ప్రత్యేక పూజలు నిర్వహించారు. ప్రజలందరూ సుఖసంతోషాలతో, ఆయురారోగ్యాలతో జీవించాలని, రాష్ట్రం సుభిక్షంగా అభివృద్ధి పథంలో ముందుకు సాగాలని గణనాథుడిని ప్రార్థించారు.
ఈ వేడుకల్లో సీనియర్ టీడీపీ నేత, టీడీపీ రాష్ట్ర మాజీ కార్యనిర్వాహక కార్యదర్శి బొమ్మసాని సుబ్బారావు, విజయవాడ ఏఎంసీ చైర్మన్ నర్రా వాసు, నూతులపాటి నారద, గొల్లపూడి టీడీపీ కుటుంబ సభ్యులు తదితరులు పాల్గొన్నారు. వారు గణనాథునికి ప్రత్యేక పూజలు నిర్వహించి, రాష్ట్ర ప్రజలకు వినాయక చవితి శుభాకాంక్షలు తెలిపారు.
గణేష్ చతుర్దశి సందర్భంగా కార్యాలయానికి వచ్చిన నాయకులు, కార్యకర్తలు, అభిమానులకు ఎమ్మెల్యే కార్యాలయ సిబ్బంది ఆత్మీయంగా స్వాగతం పలికారు. పండుగ వాతావరణంలో భక్తులు, పార్టీ శ్రేణులు ఉత్సాహంగా పాల్గొనడంతో కార్యాలయ ప్రాంగణం సందడిగా మారింది.
విఘ్నాలను తొలగించి విజయాలను ప్రసాదించే విఘ్నేశ్వరుని ఆశీస్సులతో రాష్ట్ర ప్రజలందరికీ శాంతి, సౌభాగ్యం, సుఖసంతోషాలు కలగాలని నాయకులు ఆకాంక్షించారు.
