రాయలసీమ ప్రాంత అభివృద్ధిలో భాగంగా కృష్ణా నది జలాలను తిరుమల వరకు తీసుకెళ్లే ప్రణాళిక సిద్ధం చేస్తున్నట్లు ముఖ్యమంత్రి చంద్రబాబు నాయుడు వెల్లడించారు. చిత్తూరు జిల్లాలో జరిగిన సమీక్ష సమావేశంలో ఆయన ఈ అంశాన్ని ప్రస్తావించారు.
హంద్రి-నీవా ప్రాజెక్ట్ ద్వారా ఇప్పటికే చిత్తూరు జిల్లాకు నీటిని అందిస్తున్నామని, ఇప్పుడు తిరుమలకు ప్రత్యేకంగా నీటి సరఫరా మెరుగుపరచడంపై ప్రభుత్వం దృష్టి పెట్టిందన్నారు. రాష్ట్రంలో 32 సాగునీటి ప్రాజెక్టులకు ఇప్పటికే గడువులు నిర్ణయించినట్లు తెలిపారు.
ఈ ప్రణాళికతో రాయలసీమలో సాగునీరు మరియు తాగునీటి సమస్యలు కొంతవరకు పరిష్కారమవుతాయని అధికారులు భావిస్తున్నారు. నీటి వనరుల సంరక్షణకు ప్రజలు ప్రాధాన్యత ఇవ్వాలని సీఎం సూచించారు.
