ఖమ్మం: భారతీయ జనతా పార్టీ కార్యక్రమంలో భాగంగా ఖానాపురం-1, ఖానాపురం-2 అంగన్వాడీ కేంద్రాల్లో బీజేపీ ఖమ్మం అర్బన్ టౌన్ ప్రధాన కార్యదర్శి ఆచంటి కోటేశ్వరరావు ఆధ్వర్యంలో సేవా కార్యక్రమం నిర్వహించారు. ముఖ్య అతిథులుగా 7వ డివిజన్ మాజీ కార్పొరేటర్ దొంగల సత్యనారాయణ, బీజేపీ ఖమ్మం జిల్లా మహిళా మోర్చా అధ్యక్షురాలు మందా సరస్వతి, మండల అధ్యక్షుడు రామకృష్ణ పాల్గొన్నారు. చిన్నారులకు భోజన ప్లేట్లు, పండ్లు అందజేశారు. టీచర్లు, ఆయమ్మలను శాలువాలతో సన్మానించారు. పౌష్టికాహారంపై లబ్ధిదారుల అభిప్రాయాలు తెలుసుకున్నారు. మహిళా మోర్చా కార్యదర్శి నాగమణి, ఉపాధ్యక్షురాలు నీలిమ, మండల ఉపాధ్యక్షుడు రమేష్ తదితరులు పాల్గొన్నారు.
