తెలంగాణ

తండ్రి కష్టానికి కుమారుల విజయాలే నిదర్శనం: మహేష్ కుమార్ గౌడ్

పొన్నం సత్తయ్య జీవితం నేటి తరానికి గొప్ప ఆదర్శమని పీసీసీ చీఫ్ మహేష్ కుమార్ గౌడ్ అన్నారు. వ్యవసాయంపై ఆధారపడి కుటుంబాన్ని పోషిస్తూనే పిల్లలకు ఉన్నత విద్య అందించి ప్రయోజకులుగా తీర్చిదిద్దారని కొనియాడారు. పొన్నం ప్రభాకర్‌ను 1985 నుంచి చూస్తున్నానని, తొలుత రాజకీయాల్లోకి రావడానికి ఆసక్తి చూపకపోయినా తానే ప్రోత్సహించానని గుర్తుచేశారు. నేడు ఆయన మంత్రిగా ప్రజలకు సేవ చేస్తున్నారని పేర్కొన్నారు. గిడుగు రుద్రరాజు, పొన్నం ప్రభాకర్ తన రాజకీయ ప్రియ శిష్యులని చెప్పారు. ప్రతిభావంతులైన జానపద కళాకారులను గుర్తించి పురస్కారాలతో ప్రోత్సహించడం అభినందనీయమన్నారు.