ఉదయగిరి నియోజకవర్గం వరికుంటపాడు మండలం రామాపురం గ్రామంలో నిర్వహించిన పల్లె పండుగ–3.0 కార్యక్రమాన్ని విజయవంతంగా పూర్తి చేసుకున్న ముఖ్యమంత్రి నారా చంద్రబాబు నాయుడుకు హెలిప్యాడ్ వద్ద టీడీపీ జిల్లా అధ్యక్షుడు, శాసన మండలి సభ్యులు బీద రవిచంద్ర వీడ్కోలు పలికారు. కార్యక్రమంలో ముఖ్యమంత్రి గ్రామీణాభివృద్ధి పనులకు సంబంధించిన పలు అంశాలను ప్రస్తావించారు. అనంతరం ప్రత్యేక హెలికాప్టర్లో తిరుగు ప్రయాణం అవుతున్న ముఖ్యమంత్రిని బీద రవిచంద్ర మర్యాదపూర్వకంగా సాగనంపారు. ఈ సందర్భంగా టీడీపీ నాయకులు, ప్రజాప్రతినిధులు, అధికారులు పాల్గొన్నారు. పల్లె పండుగ కార్యక్రమం విజయవంతం కావడంతో స్థానిక నాయకులు, కార్యకర్తలు హర్షం వ్యక్తం చేశారు. రామాపురం పరిసర ప్రాంతాల్లో సీఎం పర్యటన నేపథ్యంలో భారీగా ఏర్పాట్లు చేపట్టారు. హెలిప్యాడ్ వద్ద భద్రతా ఏర్పాట్లను అధికారులు పర్యవేక్షించారు.
