అంబేద్కర్ కోనసీమ జిల్లా.. ఐ.పోలవరం:
ఐ.పోలవరం మండలం భైరవపాలెం మొగ సముద్రంలో మత్స్యకారుల బోటు ప్రమాదవశాత్తు మునిగిపోయింది.
భైరవపాలెం గ్రామానికి చెందిన చింత శ్రీను బోటులో 9 మంది మత్స్యకారులు వేటకు వెళ్లారు. తెల్లవారుజామున సముద్రంలో గాలుల వేగం ఒక్కసారిగా పెరగడంతో బోటు అదుపుతప్పి సముద్రంలో మునిగిపోయింది.
అయితే సమీపంలోని మరో బోటు సహాయంతో 9 మంది మత్స్యకారులు సురక్షితంగా బయటపడ్డారు. అనంతరం సముద్రంలో గాలుల వేగానికి కొట్టుకొచ్చిన బోటు తీర ప్రాంతానికి చేరుకుంది.
మత్స్యకారులు సురక్షితంగా బయటపడటంతో కుటుంబ సభ్యులు ఊపిరిపీల్చుకున్నారు.
