భారీ వర్షాల నేపథ్యంలో విద్యాసంస్థలకు సెలవు

ఖమ్మం జిల్లాలో భారీ వర్షాలు కురుస్తున్న నేపథ్యంలో అధికారులు కీలక నిర్ణయం తీసుకున్నారు. విద్యార్థుల భద్రతను దృష్టిలో ఉంచుకుని నేడు (గురువారం) జిల్లాలోని ప్రభుత్వ, ప్రైవేటు విద్యాసంస్థలకు సెలవు ప్రకటించారు. వర్షాల కారణంగా రహదారులపై నీరు నిలిచే అవకాశం ఉండటం, రాకపోకలకు అంతరాయం ఏర్పడే పరిస్థితులు ఉండటంతో ఈ నిర్ణయం తీసుకున్నట్లు అధికారులు తెలిపారు. విద్యార్థులు, తల్లిదండ్రులు అప్రమత్తంగా ఉండాలని సూచించారు.