నందలూరు మండలం, నందలూరు గ్రామం లో బ్రాహ్మణవీధి వినాయక లడ్డూను రూ.63,100లకు దక్కించుకున్న వుల్లి ఉపేంద్ర

బ్రాహ్మణవీధి వినాయక లడ్డూను రూ.63,100లకు దక్కించుకున్న వుల్లి ఉపేంద్ర నందలూరు మండల కేంద్రంలోని ప్రముఖ శ్రీ సౌమ్యనాథ స్వామి ఆలయం వెనుక ఉన్న బ్రాహ్మణ వీధి వినాయక మండపం వద్ద శ్రీ వరసిద్ధి వినాయక ఉత్సవ కమిటీ ఆధ్వర్యంలో వినాయకుని లడ్డూ వేలం పాటను అత్యంత వైభవంగా నిర్వహించారు. స్వామివారి సన్నిధిలో ప్రత్యేకంగా ఉంచిన 21 కేజీల మహా లడ్డూను దక్కించుకోవడానికి భక్తులు తీవ్రంగా పోటీ పడ్డారు. ఈ వేలం పాటలో గ్రామానికి చెందిన వుల్లి ఉపేంద్ర రూ. 63,100 సమర్పించి ఈ గణపతి లడ్డూను సొంతం చేసుకున్నారు. గతంలో ఈ లడ్డూను పాడుకున్న వారికి విశేషమైన మంచి జరగడంతో, ఈసారి కూడా భక్తులు వేలంలో పాల్గొనడానికి విశేష ఆసక్తి చూపారని నిర్వాహకులు తెలిపారు. వేలం పాట అనంతరం లడ్డూను దక్కించుకున్న వుల్లి ఉపేంద్రను శ్రీ వరసిద్ధి వినాయక ఉత్సవ కమిటీ సభ్యులు ఘనంగా సన్మానించారు. ఈ సందర్భంగా వుల్లి ఉపేంద్ర మాట్లాడుతూ “కమిటీ నిర్వహించిన ఈ వేలం పాటలో లడ్డూను మా కుటుంబం దక్కించుకోవడం చాలా సంతోషంగా ఉంది. ఆ విఘ్నేశ్వరుని దివ్య ఆశీస్సులు, కృపాకటాక్షాలు ప్రజలందరిపై ఎల్లప్పుడూ ఉండాలని కోరుకుంటున్నాను” అని తెలిపారు. ఈ కార్యక్రమంలో గ్రామ ప్రజలు, విఘ్నేశ్వర భక్తులు మరియు ఉత్సవ కమిటీ సభ్యులు విశేషంగా పాల్గొన్నారు.