నెల్లూరులో రాజకీయ కక్షలు.. దళిత నేతపై వైసీపీ వర్గీయుల దాడి!

నెల్లూరు జిల్లా కావలి మండలం చెన్నాయపాళెంలో రాజకీయ కక్షలు భగ్గుమన్నాయి. వైసీపీ మాజీ ఏఎంసీ చైర్మన్ సన్నిపోయిన ప్రసాద్, ఆయన సోదరుడు ఉమామహేశ్వరరావు తమ అనుచరులతో కలిసి టీడీపీ మాజీ సర్పంచ్, దళిత నాయకుడు అరగల కృష్ణయ్యపై మారణాయుధాలతో దాడి చేశారు. ఈ ఘటనలో తీవ్రంగా గాయపడిన కృష్ణయ్య ప్రస్తుతం ఆస్పత్రిలో ప్రాణాపాయ స్థితిలో చికిత్స పొందుతున్నారు. ఎమ్మెల్యే కావ్య కృష్ణారెడ్డి బాధితుడిని పరామర్శించి, దాడికి పాల్పడిన వారిని కఠినంగా శిక్షించాలని పోలీసులను డిమాండ్ చేశారు.