అన్నపూర్ణ యోజన అమలు బెంగాల్ ప్రభుత్వానికి సవాల్

పశ్చిమ బెంగాల్‌లో మహిళలకు అందిస్తున్న ఆర్థిక సహాయాన్ని రెట్టింపు చేస్తామని ఎన్నికల సమయంలో బీజేపీ ఇచ్చిన హామీ అమలు దశకు చేరుకుంది. ప్రస్తుతం అమల్లో ఉన్న లక్ష్మీర్ భండార్ పథకం కింద అందుతున్న ₹1,500ను ₹3,000కు పెంచే అన్నపూర్ణ యోజన కోసం కొత్త దరఖాస్తు ప్రక్రియ ప్రారంభమైంది. లబ్ధిదారుల అర్హతను నిర్ధారించేందుకు ప్రభుత్వం విస్తృత స్థాయి ధృవీకరణ చేపడుతోంది. సుమారు 2 కోట్ల మంది లబ్ధిదారులకు ఈ పథకం అమలైతే రాష్ట్ర ఖజానాపై సంవత్సరానికి ₹72,000 కోట్ల భారం పడే అవకాశం ఉంది. దీంతో ఈ పథకం అమలు ఆర్థిక, పరిపాలనా పరంగా ప్రభుత్వానికి పెద్ద సవాల్‌గా మారింది.