స్కిమ్స్ కళాశాల విద్యార్థుల ఘన విజయం-ఎంసీఏ ఫలితాల్లో 82 శాతం ఉత్తీర్ణత

శ్రీకాళహస్తి, ఏప్రిల్ 07 (పున్నమి న్యూస్): శ్రీకాళహస్తి మండలంలోని కాపుగున్నేరి గ్రామ సమీపంలో ఉన్న స్కిమ్స్ కళాశాల విద్యార్థులు ఎంసీఏ ఫలితాల్లో అద్భుత ప్రతిభ కనబరిచారు. 2024–26 బ్యాచ్ రెండో సెమిస్టర్ ఫలితాల్లో కళాశాల విద్యార్థులు ఏకంగా 82 శాతం ఉత్తీర్ణత సాధించి విశ్వవిద్యాలయ స్థాయిలో సత్తా చాటారు. ఈ సందర్భంగా గురువారం కళాశాల ప్రాంగణంలో విద్యార్థుల విజయోత్సవ సభను ఘనంగా నిర్వహించారు. ఈ కార్యక్రమానికి కళాశాల ప్రిన్సిపాల్ డాక్టర్ గీతాదేవి ముఖ్య అతిథిగా హాజరై ప్రసంగించారు. విద్యార్థులు క్రమశిక్షణతో చదివి మంచి ఫలితాలు సాధించడం గర్వకారణమని ఆమె కొనియాడారు. ఉత్తమ ఫలితాలు సాధించిన టాపర్ల వివరాలను ఈ సందర్భంగా వెల్లడించారు. ప్రతిభ చాటిన విద్యార్థులు ఎ. కవిత: 8.35 గ్రేడ్ పాయింట్లతో ప్రథమ స్థానం. సి. చాందిని: 8.28 గ్రేడ్ పాయింట్లతో ద్వితీయ స్థానం. పి. దివ్య: 8.28 గ్రేడ్ పాయింట్లతో తృతీయ స్థానం. టాపర్లుగా నిలిచిన ఈ విద్యార్థులను, వారికి వెన్నుముకగా నిలిచిన అధ్యాపక బృందాన్ని కళాశాల యాజమాన్యం ప్రత్యేకంగా అభినందించింది. ఈ కార్యక్రమంలో వివిధ విభాగాల అధిపతులు, అధ్యాపకులు మరియు విద్యార్థులు ఉత్సాహంగా పాల్గొన్నారు.