బీడీ కాలనీలో పండుగ సంబరం: ముస్లింలకు కలవగుంట భరత్ రెడ్డి కానుకలు.

శ్రీకాళహస్తి, మార్చి 21 (పున్నమి న్యూస్): నిరుపేద ముస్లిం సోదరుల ఇళ్లలో రంజాన్ పండుగ కాంతులు నిండాలనే సంకల్పంతో ప్రముఖ సంఘ సేవకులు కలవగుంట భరత్ రెడ్డి తన ఉదారతను చాటుకున్నారు. తొట్టంబేడు మండలం, బీడీ కాలనీ నివాసితులకు పవిత్ర రంజాన్ పండుగను పురస్కరించుకుని శనివారం ఆయన తన యువసేన సభ్యుల ద్వారా పండుగ కానుకలను పంపిణీ చేశారు. ప్రతి ఏటా రంజాన్ సందర్భంగా బీడీ కాలనీ ముస్లిం కుటుంబాలకు అండగా నిలవడం భరత్ రెడ్డి ఆనవాయితీగా వస్తోంది. ఇందులో భాగంగా ఈ ఏడాది కూడా కాలనీలోని పేద కుటుంబాలకు చికెన్ మరియు కోడిగుడ్లను అందజేశారు. ఈ సందర్భంగా భరత్ రెడ్డి ఫోన్ ద్వారా ముస్లిం సోదరులకు రంజాన్ శుభాకాంక్షలు తెలియజేస్తూ.. పవిత్ర మాసంలో చేసే ఇటువంటి సేవా కార్యక్రమాలు సమాజంలో ఆత్మీయతను, సోదరభావాన్ని పెంపొందిస్తాయని పేర్కొన్నారు. తమ కష్టసుఖాల్లో పాలుపంచుకుంటూ, ఏటా పండుగ వేళ తమకు అండగా నిలుస్తున్న భరత్ రెడ్డికి బీడీ కాలనీ ముస్లిం సోదరులు హృదయపూర్వక కృతజ్ఞతలు తెలిపారు. ఈ కార్యక్రమంలో కలవగుంట భరత్ రెడ్డి యువసేన సభ్యులు మరియు స్థానిక నేతలు పాల్గొన్నారు.