వార్త ముఖ్యాంశాలు
- ఎర్రగడ్డల బస్తాలే ప్రమాదానికి కారణమా?
- నెల్లూరు జిల్లా పొదలకూరు మండలం బ్రాహ్మణపల్లి సమీపంలో జరిగిన రోడ్డు ప్రమాదంలో ఓ వ్యక్తి ప్రాణాలు కోల్పోయారు.
- బిరదవోలు చెర్లోపల్లి గ్రామానికి చెందిన నాగేళ్ల ప్రభాకర్ నాయుడు (65) శుక్రవారం స్కూటీపై ప్రయాణిస్తుండగా ఈ దుర్ఘటన చోటుచేసుకుంది.స్థానిక సమాచారం ప్రకారం..
ఎర్రగడ్డల బస్తాలే ప్రమాదానికి కారణమా?
నెల్లూరు జిల్లా పొదలకూరు మండలం బ్రాహ్మణపల్లి సమీపంలో జరిగిన రోడ్డు ప్రమాదంలో ఓ వ్యక్తి ప్రాణాలు కోల్పోయారు. బిరదవోలు చెర్లోపల్లి గ్రామానికి చెందిన నాగేళ్ల ప్రభాకర్ నాయుడు (65) శుక్రవారం స్కూటీపై ప్రయాణిస్తుండగా ఈ దుర్ఘటన చోటుచేసుకుంది.స్థానిక సమాచారం ప్రకారం.. రహదారిపై ఎర్రగడ్డల బస్తాలు పడి ఉండటంతో వాటిపై వాహనాలు వెళ్లడంతో పదార్థాలు చెల్లాచెదురై రోడ్డుపై జారుడు పరిస్థితి ఏర్పడింది. ఈ మార్గంలో స్కూటీపై వెళ్తున్న ప్రభాకర్ నాయుడు అక్కడికి చేరుకోగానే వాహనం అదుపుతప్పి కిందపడిపోయారు. అదే సమయంలో వెనుక నుంచి వస్తున్న ఆర్టీసీ బస్సు ఆయనపై నుంచి వెళ్లడంతో తీవ్ర గాయాలై అక్కడికక్కడే మృతి చెందారు.ప్రమాద సమాచారం అందుకున్న పొదలకూరు పోలీసులు సంఘటనా స్థలానికి చేరుకుని వివరాలు సేకరించారు. ఈ ఘటనపై కేసు నమోదు చేసి దర్యాప్తు చేపట్టారు.