మాదన్నపేట రోడ్ శ్మశాన వాటికలో ప్రత్యేక పారిశుద్ధ్య కార్యక్రమం

మాదన్నపేట రోడ్ శ్మశాన వాటికలో ప్రత్యేక పారిశుద్ధ్య కార్యక్రమం ప్రజలకు మెరుగైన మౌలిక సౌకర్యాల కల్పనే లక్ష్యం : *20 వ వార్డు కౌన్సిలర్ శ్రీరామోజు రోజారాణి* నర్సంపేట, ఆగస్టు 5: *గౌరవ నర్సంపేట శాసనసభ్యులు శ్రీ దొంతి మాధవరెడ్డి గారి ఆదేశానుసారం, మున్సిపల్ చైర్‌పర్సన్ శ్రీమతి పెండెం శ్రీలక్ష్మి రామానంద్ గారి సహకారంతో, 20వ వార్డు కౌన్సిలర్ శ్రీరామోజు రోజారాణి గారి* ఆధ్వర్యంలో *నర్సంపేట పట్టణంలోని మాదన్నపేట రోడ్ శ్మశాన వాటికలో బుధవారం ప్రత్యేక పారిశుద్ధ్య కార్యక్రమాన్ని* నిర్వహించారు. ఈ కార్యక్రమంలో భాగంగా శ్మశాన వాటికలో పెరిగిన కలుపు మొక్కలను తొలగించడం, చెత్తాచెదారాన్ని పూర్తిగా శుభ్రపరచడం, డోజర్ సహాయంతో పరిసరాలను చదును చేసి పరిశుభ్రంగా తీర్చిదిద్దడం వంటి పనులు చేపట్టారు. శ్మశాన వాటికకు వచ్చే ప్రజలకు పరిశుభ్రమైన, సౌకర్యవంతమైన వాతావరణాన్ని కల్పించేందుకు ఈ చర్యలు చేపట్టినట్లు నిర్వాహకులు తెలిపారు. ఈ సందర్భంగా కౌన్సిలర్ శ్రీరామోజు రోజారాణి మాట్లాడుతూ, “ప్రజలకు అవసరమైన ప్రతి ప్రాథమిక సౌకర్యాన్ని మెరుగుపరచడం మా బాధ్యత. శ్మశాన వాటికల వంటి అత్యంత అవసరమైన ప్రజా ప్రదేశాలను ఎల్లప్పుడూ పరిశుభ్రంగా, అందుబాటులో ఉంచేందుకు మున్సిపాలిటీ నిరంతరం కృషి చేస్తోంది. ప్రజల సహకారంతో నర్సంపేటను పరిశుభ్రమైన, ఆదర్శవంతమైన పట్టణంగా తీర్చిదిద్దేందుకు కట్టుబడి ఉన్నాము” అని అన్నారు. ఈ కార్యక్రమంలో *19వ వార్డు కౌన్సిలర్ ఎలకంటి విజయ్ కుమార్, బొమ్మెరబోయిన ప్రేమ్ కృష్ణ, మర్రి శేషు, కొండోజు కార్తీక్, వార్డు జవాన్ నీరటి రమేష్, మున్సిపల్ సిబ్బంది* మరియు స్థానికులు పాల్గొన్నారు.