భారతీయ సనాతన ధర్మం… సంస్కృతి సంప్రదాయాలు

*మన సంస్కృతి… సాంప్రదాయాలు* మన సంప్రదాయం – మన గౌరవం వేదాల వెలుగులో వెలసిన జాతి, వివేకానందుని చూపిన బాట, రాముని ధర్మం, కృష్ణుని గీత, భారత సంస్కృతే అమూల్య నీతి! పెద్దలకు గౌరవం, చిన్నలకు ప్రేమ, గురువులకు వందనం, అతిథులకు ఆత్మీయ స్వాగతం! పండుగ వస్తే పంచుకునే ఆనందం, పొరుగువారితో పెంచుకునే అనుబంధం, కలిసి చేసే ప్రతి శుభకార్యం, మన సంస్కృతికి అందమైన సాక్ష్యం! ప్రకృతిని తల్లిగా భావించి, నదులను దేవతలుగా పూజించి, భూమిని మాతగా కొలిచే గొప్ప సంప్రదాయం భారతీయత! కలిసుంటే బలం అని చెప్పి, ధర్మముంటే విజయం అని నమ్మి, సత్యం కోసం నిలబడే ధైర్యం— మన పూర్వీకులిచ్చిన మహా వారసత్వం! తరతరాలకు అందిద్దాం, మన సంస్కృతిని కాపాడుదాం, భారతీయతను గుండెల్లో నింపి, భారతమాత కీర్తిని చాటుదాం! భారతీయత – మన ఊపిరి మట్టిలోనే మమత ఉంది, మనసులోనే భారతం ఉంది, ప్రతి ఇంటా ఒక సంస్కృతి ఉంది, ప్రతి హృదయంలో దేశభక్తి ఉంది! నమస్కారంలో వినయం ఉంది, నమస్కారంలో గౌరవం ఉంది, “అన్నం పరబ్రహ్మ” అనే భావనలో మన సంస్కృతి మహిమ ఉంది! దీపం వెలిగిస్తే జ్ఞానం, పూజ చేస్తే పవిత్రత, పండుగ చేస్తే ఐక్యత, పంచుకుంటే మానవత! వైవిధ్యంలో ఏకత్వం, భాషల్లో మాధుర్యం, ఆచారాల్లో ఆత్మీయత, భారతీయతలో అనంతమైన గొప్పతనం! ఎన్ని యుగాలు మారినా మన విలువలు నిలవాలి, ఎన్ని తరాలు వచ్చినా మన సంప్రదాయాలు వెలగాలి! భారతీయ సంస్కృతి చిరంజీవి, భారతీయ సంప్రదాయం శాశ్వతం, ఈ మహోన్నత వారసత్వాన్ని కాపాడటం ప్రతి భారతీయుడి పవిత్ర కర్తవ్యం! *జి అంజలి దేవి తెలుగు ఉపాధ్యాయురాలు మహబూబ్నగర్ హై స్కూల్*