ఖమ్మం: భారతీయ జనతా పార్టీ ఖమ్మం జిల్లా కార్యాలయంలో మంగళవారం ఎస్ఐఆర్ సమీక్ష సమావేశం నిర్వహించనున్నట్లు బీజేపీ జిల్లా అధ్యక్షుడు నెల్లూరి కోటేశ్వరరావు తెలిపారు. సెప్టెంబర్ 29న ఉదయం 9 గంటలకు జరిగే ఈ సమావేశానికి ఎస్ఐఆర్ జోన్-6 కో-కన్వీనర్ వీణ సేవక్ ముఖ్య అతిథిగా హాజరుకానున్నట్లు పేర్కొన్నారు. సమావేశంలో ఎస్ఐఆర్ ప్రక్రియపై సమీక్షించి, తదుపరి కార్యాచరణపై చర్చించనున్నారు. ఈ కార్యక్రమానికి పార్టీ నాయకులు, కార్యకర్తలు తప్పనిసరిగా హాజరై విజయవంతం చేయాలని నెల్లూరి కోటేశ్వరరావు కోరారు. ఓటరు నమోదు, క్షేత్రస్థాయి కార్యక్రమాలపై పార్టీ శ్రేణులకు దిశానిర్దేశం చేయనున్నారు.
