బీజేపీ బలోపేతమే లక్ష్యంగా ముందుకు సాగాలి:శెట్టి రాజు

అనంతగిరి మండలంలో భారతీయ జనతా పార్టీ విజయాన్నే ఏకైక లక్ష్యంగా పెట్టుకుని నాయకులు, కార్యకర్తలు ఐక్యంగా పనిచేయాలని కేంద్ర కాఫీ బోర్డు సభ్యుడు, జిల్లా ఉపాధ్యక్షులు శెట్టి రాజు పిలుపునిచ్చారు. ​గురువారం అనంతగిరి మండల కేంద్రంలో నిర్వహించిన ముఖ్య నాయకులు,కార్యకర్తల సమావేశంలో ఆయన మాట్లాడారు.ఈ సందర్భంగా ఆయన మాట్లాడుతూ — ప్రధానమంత్రి నరేంద్ర మోదీ నాయకత్వంలో కేంద్ర ప్రభుత్వం అమలు చేస్తున్న సంక్షేమ పథకాలు, విశాఖ/అల్లూరి ఏజెన్సీ ప్రాంత అభివృద్ధికై కేటాయిస్తున్న ప్రత్యేక నిధుల గురించి ప్రతి ఇంటికీ వివరించాలని సూచించారు. కాఫీ రైతులకు, గిరిజన సోదరులకు కేంద్ర ప్రభుత్వం అందిస్తున్న మద్దతును ప్రజల్లోకి విస్తృతంగా తీసుకెళ్లాలన్నారు. ​రాబోయే రోజుల్లో పార్టీని బూత్ స్థాయి నుంచి మరింత పటిష్టం చేసేందుకు ప్రతి పంచాయతీలోనూ ‘మన జెండా – మన ఊరు’ కార్యక్రమాన్ని ప్రతిష్టాత్మకంగా నిర్వహించాలని పిలుపునిచ్చారు. ప్రతీ గ్రామంలోనూ పార్టీ జెండా ఎగురవేస్తూ, గ్రామ కమిటీలను బలోపేతం చేయాలని దిశానిర్దేశం చేశారు. ​ఈ కార్యక్రమంలో మండల యువమోర్చా అధ్యక్షులు బాడం మధుసూదన్, మండల ఓబీసీ మోర్చా అధ్యక్షులు శ్రీనివాసరావు, మండల కోశాధికారి వంతల అప్పన్న, నియోజకవర్గ కార్యవర్గ సభ్యులు చిట్టం సింహాద్రిలతో పాటు స్థానిక నాయకులు, కార్యకర్తలు, పెద్ద సంఖ్యలో పార్టీ శ్రేణులు పాల్గొన్నారు.