కేజీబీవీ ఆనందపురంలో విద్యార్థులకు షూస్ పంపిణీ.. విద్యాసేవలో మరో ముందడుగు
విశాఖపట్నం జిల్లా,ఆనందపురం: ( పున్నమి ప్రతినిధి ) సెప్టెంబర్ 28: విద్యార్థుల అవసరాలను గుర్తిస్తూ వారి విద్యాభివృద్ధికి తోడ్పాటునందించడమే లక్ష్యంగా నాంది ఫౌండేషన్ చేస్తున్న సేవలు అభినందనీయమని కేజీబీవీ ఆనందపురం ప్రిన్సిపాల్ శ్రీపతి దొండా చంద్రకళ పేర్కొన్నారు.
విద్యార్థుల సంక్షేమం, సౌకర్యాలు, ఆత్మవిశ్వాసానికి ప్రాధాన్యతనిస్తూ నాంది ఫౌండేషన్ ఆధ్వర్యంలో కేజీబీవీ ఆనందపురంలో విద్యార్థులకు షూస్ (బూట్లు) పంపిణీ కార్యక్రమం నిర్వహించారు. విద్యార్థుల పట్ల సామాజిక బాధ్యతతో ముందుకు వచ్చి అవసరమైన సహాయాన్ని అందించడం ద్వారా ఫౌండేషన్ విద్యాసేవలో తన వంతు పాత్ర పోషించింది.
విద్యార్థుల ఎదుగుదలకు చేయూత.. వారి కలలకు బాసట!
విద్యార్థులకు అందించే ప్రతి సహాయం వారి చదువుపై ఆసక్తిని, ఆత్మవిశ్వాసాన్ని పెంపొందించేందుకు దోహదపడుతుందని ఈ సందర్భంగా పేర్కొన్నారు. విద్యాసంస్థలకు, విద్యార్థులకు స్వచ్ఛంద సంస్థలు అందించే సహకారం సమాజ అభివృద్ధిలో కీలక పాత్ర పోషిస్తుందని తెలిపారు.
ఈ కార్యక్రమంలో ప్రిన్సిపాల్ శ్రీపతి దొండా చంద్రకళ, పేరెంట్స్ కమిటీ చైర్మన్ కోరుకొండ శివాజీ, ప్రజాసంకల్ప వేదిక విద్యార్థి విభాగం జాతీయ ఉపాధ్యక్షులు బొద్దపు బంగార్రాజు, నాంది ఫౌండేషన్ ప్రతినిధి ఉమాదేవి పాల్గొన్నారు.
ఒక్కో అడుగుకూ ప్రోత్సాహం.. ప్రతి విద్యార్థికీ భరోసా!
విద్యార్థుల అవసరాలకు స్పందించి సేవా కార్యక్రమాలు చేపట్టే నాంది ఫౌండేషన్ వంటి సంస్థల సహకారం మరింత విస్తరించాలని, ప్రతి విద్యార్థి చదువులో ముందుకు సాగేందుకు సమాజం చేయూతనివ్వాలని ఈ కార్యక్రమం చాటిచెప్పింది.
