వంగ సాంబ శివ రెడ్డి మృతి పలువురు సంతాపం.

ఖమ్మం ఆగష్టు 9 (పున్నమి న్యూస్) ఖమ్మం నగరంలో ప్రముఖ విద్యా సంస్థ నిర్మల్ హృదయ్ అధినేత వంగ సాంబశివరెడ్డి మృతి చెందడంతో నగరంలో విషాదఛాయలు అలుముకున్నాయి. ఆయన మృతి పట్ల పలువురు రాజకీయ, సామాజిక ప్రముఖులు తీవ్ర సంతాపం వ్యక్తం చేశారు. నిర్మల్ హృదయ్ అధినేత వంగ సాంబశివరెడ్డి మృతి.. ఖమ్మంలో విషాదఛాయలు ఖమ్మం: ఖమ్మం నగరంలోని ప్రముఖ విద్యా సంస్థ నిర్మల్ హృదయ్ అధినేత వంగ సాంబశివరెడ్డి మృతి చెందారు. గుండెపోటుతో ఆయన మృతి చెందడంతో విద్యా రంగంలో, నగర ప్రజల్లో విషాదం నెలకొంది. విద్యాభివృద్ధికి ఆయన చేసిన సేవలను పలువురు గుర్తుచేసుకున్నారు. సాంబశివరెడ్డి మృతి పట్ల వివిధ రాజకీయ పార్టీలకు చెందిన నాయకులు తీవ్ర సంతాపం వ్యక్తం చేశారు. ఆయన కుటుంబ సభ్యులకు ప్రగాఢ సానుభూతి తెలిపారు. సంతాపం తెలిపిన వారిలో సీపీఐ నాయకులు పువ్వాడ నాగేశ్వరరావు, భాగం హేమంత్‌రావు, బీఆర్‌ఎస్ నేతలు నామ నాగేశ్వరరావు, వద్ది రాజు రవిచంద్ర, బీజేపీ ఓబీసీ మోర్చా జిల్లా అధ్యక్షులు ఆర్‌వీఎస్ యాదవ్, బీజేపీ టూ టౌన్ అధ్యక్షులు ధనియాకుల వెంకటనారాయణ, 54వ డివిజన్ కార్పొరేటర్ మిక్కిలినేని మంజుల నరేంద్ర, కాంగ్రెస్ నగర అధ్యక్షులు నాగండ్ల దీపక్ చౌదరి, సీపీఎం నాయకులు తమ్మినేని వీరభద్రం తదితరులు ఉన్నారు. వంగ సాంబశివరెడ్డి మృతి పట్ల పలువురు విద్యావేత్తలు, ప్రజాప్రతినిధులు, విద్యార్థులు, అభిమానులు సంతాపం వ్యక్తం చేశారు. ఆయన ఆత్మకు శాంతి చేకూరాలని, కుటుంబ సభ్యులకు మనోధైర్యం కలగాలని ఆకాంక్షించారు.